Փայլան Կը Քննադատէ Վանի, Տիգրանակերտի Եւ Մարտինի Քաղաքապետներուն Պաշտօնազրկումը

0
183

ԵՐԵՒԱՆ, «Էրմենիհապեր».- Թուրքիոյ քրտամէտ Ժողովուրդներու ժողովրդավարական կուսակցութեան Տիգրանակերտէն ընտրուած հայ պատգամաւոր Կարօ Փայլան անդրադարձաւ Տիգրանակերտի, Վանի եւ Մարտինի քաղաքապետները պաշտօնանկ ընելու մասին Թուրքիոյ ներքին գործոց նախարարութեան 19 Օգոստոսի յայտարարութեան՝ գրելով, որ միայն չորս ամիս առաջ էր, որ նշեալ քաղաքներուն ժողովուրդին ճնշող մեծամասնութեան ձայներով ընտրուած էին քրտամէտ կուսակցութեան կողմէ առաջադրուած այդ քաղաքապետները, որոնց փոխարէն այսօր այդ պաշտօնները յանձնուած են պետութեան կողմէ նշանակուած ժամանակաւոր պաշտօնակատարներու:

«Բոլոր քաղաքական կուսակցութիւնները, ինչպէս նաեւ հանրութիւնը, պէտք է արձագանգէ ժողովուրդին կամքին դէմ դնող այս ստոր գործընթացին: Լռելու պարագային, կարգը պիտի հասնի Անգարային եւ Պոլիսին», նշեց Փայլան:

LEAVE A REPLY

Please enter your comment!
Please enter your name here