ԱԱԾն Բացայայտեց Պաշտպանութեան Նախարարութեան Գործընթացին Մէջ Մեծ Գումարի Յափշտակման Դէպք

0
293

ԵՐԵՒԱՆ, «Արմէնփրէս».- Հայաստանի Հանրապետութեան Ազգային անվտանգութեան ծառայութիւնը (ԱԱԾ) փտածութեան դէմ պայքարին ուղղուած իր գործառոյթներու իրականացման ծիրին մէջ կատարած հետախուզական եւ քննչական գործողութիւններուն իբրեւ արդիւնք՝ բացայայտեց Հայաստանի պաշտպանութեան նախարարութեան կարիքներուն համար գնումներու գործընթացին մէջ առանձնապէս մեծ գումարի յափշտակման դէպք:

Ձեռք բերուած նախնական տուեալներուն համաձայն՝ Հայաստանի պաշտպանութեան նախարարութեան պաշտօնատար անձեր, մատակարար կազմակերպութեան հետ յանցաւոր համաձայնութիւն գոյացնելով՝ ուռճացուած գինով կնքած են մատակարարման պայմանագիր, որուն հիման վրայ այդ ընկերութեան ապրանքատեսակի իրական շուկայական արժէքի փոխարէն փոխանցած են 21 միլիոն 700 հազար դրամ աւելի գումար, որուն իբրեւ արդիւնք մեծ գումար վատնուած է։

Առերեւոյթ յանցագործութեան դէպքին առիթով, ԱԱԾ քննչական բաժանմունքին մէջ յարուցուած է քրէական գործ՝ Հայաստանի քրէական օրէնսգիրքի համապատասխան յօդուածներով:

LEAVE A REPLY

Please enter your comment!
Please enter your name here