Առաջին Կիսամեակին 1000 Մեծ Հարկատուները 64 Դրամ Միլիառ Աւելի Ներդրած Են Պիւտճէին

0
272

ԵՐԵՒԱՆ, «ՓանԱրմինիըն».- Հայաստանի վարչապետ Նիկոլ Փաշինեան «Ֆէյսպուք»ի իր էջին վրայ գրած է, որ 1000 մեծ հարկատուներու ցանկը գլխաւորած հանրային որոշ հետաքրքրութիւն ներկայացնող ընկերութիւններուն մեծ մասը 2019-ի առաջին կիսամեակին, նախորդ տարուան նոյն ժամանակաշրջանին հետ բաղդատած՝ մեծապէս աւելի հարկ վճարած է պիւտճէին։

Մասնաւորաբար, «Ֆլեշ» ընկերութիւնը 2019-ի առաջին կիսամեակին, նախորդ տարուան առաջին կիսամեակին հետ համեմատած՝ վճարած է 2,8 միլիառ դրամ կամ 58 տոկոսով աւելի հարկ, «Եուքոմ» ընկերութեան վճարած հարկերուն ծաւալը գերազանցած է 1 միլիառ դրամով կամ 26 տոկոսով, «Նատալի Ֆարմ» ընկերութիւնը՝ 0,7 միլիառ դրամով կամ 37 տոկոսով, «Սպայկա» ընկերութիւնը՝ 1,4 միլիառ դրամով կամ 117 տոկոսով, «Սաս-Գրուպ» ընկերութիւնը՝ 0,9 միլիառ դրամով կամ 82 տոկոսով, «Մաքս Պետրոլ» ընկերութիւնը՝ 2,2 միլիառ դրամով կամ 122 տոկոսով, «Զանգեզուրի պղնձամոլիբդենային կոմբինատը»՝ 4,9 միլիառ դրամով կամ 20 տոկոսով, «Գազպրոմ Արմէնիա» ընկերութիւնը՝ 2,1 միլիառ դրամով կամ 10 տոկոսով, «Հայաստանի Էլեկտրական Ցանցեր» ընկերութիւնը՝ 1,3 միլիառ դրամով կամ 20 տոկոսով:

Ընթացիկ տարուան առաջին կիսամեակին 1000 խոշոր հարկ վճարող ընկերութիւնները, նախորդ տարուան նոյն ժամանակահատուածին հետ համեմատած՝ պետական պիւտճէին աւելի վճարած են 14,3 տոկոսով կամ 64 միլիառ դրամով աւելի գումար:

LEAVE A REPLY

Please enter your comment!
Please enter your name here