Հինգ Հայրենադարձ Ընտանիքներու՝ Հինգ Տարուան Տան Վարձակալութիւն

0
327

Թորոնթոյէն Հրաչ Ճապրայեան, որ 2011-էն մինչեւ 2016 վարած է Կապանի Ոսկիի հանքի տնօրէնի պաշտօնը, իսկ այժմ աշխատանքային այլ նախաձեռնութիւններու դիմած է Հայաստանի մէջ, հիմը դրած է «Նարէ, Մանէ եւ Մոնթէ-Դրօ Ճապրայեաններ» հիմնադրամին, որուն ղեկավարութիւնը վստահած է Հայրենադարձութեան խորհրդատուութեան գրասենեակին:

Այս ֆոնտին նպատակն է՝ հայրենադարձ հինգ ընտանիքներու, որոնք որոշած են հաստատուիլ Շուշի տրամադրել տան վարձակալութեան ծախսը՝ հինգ տարուան համար:

«Նախապայմանը այն է, որ ամբողջ ընտանիքը հաստատուի Շուշի կամ գործ ստեղծէ Շուշիի, Ստեփանակերտի կամ Արցախի մէկ այլ քաղաքի մէջ կամ աշխատանք գտնէ Արցախի մէջ ու ընտանիքը ապրի Շուշի բնակող բոլոր ընտանիքներու բնականոն կեանքով՝ դպրոց, աշխատանք, առողջապահութիւն, մշակութային կեանք, տուրքերու վճարում եւ այլն», յայտնեց Հրաչ Ճապրայեան՝ աւելցնելով. «ՀՅԴ Հայաստանի Գերագոյն մարմինին կողմէ հաստատուած Հայրենադարձներու խորհրդատուութեան գրասենեակը պիտի զբաղի այս ծրագիրին գործնական մանրամասնութիւններով»:

«Զգացուած ենք մեր յանձնախումբին ու գրասենեակին հանդէպ ընկեր Հրաչի վստահութեամբ: Կասկած չունինք, որ շուտով արտերկրէն մեծ թիւով հայ ընտանիքներ պիտի դիմեն մեզի, որպէսզի միանան Շուշի ապրող մեր հայրենակիցներուն, ինչպէս որ արդէն ըրաւ Կիւրիւնեաններու ընտանիքը՝ իբրեւ այս ֆոնտի առաջին շահառու», ընդգծեց Հայրենադարձներու խորհրդատուութեան գրասենեակի վարիչ Արազ Գայմաքամեան: Շուշի հաստատուիլ փափաքող ընտանիքները կրնան Հայրենադարձներու խորհրդատուութեան գրասենեակին դիմել՝ գրելով [email protected] հասցէին՝ պայմաններուն ծանօթանալու համար:

LEAVE A REPLY

Please enter your comment!
Please enter your name here