Թրքական Բռնագրաւումը Տեսակաւոր Ահաբեկիչներ Մտցուց Սուրիա. Ճաաֆարի

0
485

ՄԱԿ- «Ռոյթըրզ».- ՄԱԿ-ի մօտ Սուրիոյ դեսպան Պաշշար Ճաաֆարի ՄԱԿ-ի Ապահովութեան խորհուրդի նիստին ընթացքին ըսաւ. «Միջին Արեւելքի շրջանը արհաւիրքներու եւ ողբերգութիւններու ականատես դարձաւ, որովհետեւ կայսերապաշտական երկիրները իրենց նեղ եւ անբարոյական շահերը առաջնահերթ նկատեցին»:

Ան շեշտեց, որ առարկայական որեւէ մօտեցում կ՛եզրակացնէ, թէ տագնապներուն պատճառը Իսրայէլի կողմէ արաբական հողերու, ներառեալ՝ սուրիական Կոլանի բռնագրաւումն է:

Սուրիոյ դեսպանը կարեւոր նկատեց, որ Միացեալ Նահանգները եւ անոր դաշնակիցները, ներառեալ՝ Թուրքիան, վերջ տան Սուրիոյ հողերուն բռնագրաւման եւ դադրին ահաբեկչութեան աջակցելէ:

«Թրքական բռնագրաւումը սուրիական հողերը մտցուց զանազան տեսակի ահաբեկիչներ։ Թուրիա իր զրահապատ ինքնաշարժները Սուրիա ուղարկեց՝ առ ի զօրակցութիւն ահաբեկչական խմբաւորումներուն», ընդգծեց Ճաաֆարի:

LEAVE A REPLY

Please enter your comment!
Please enter your name here