ՀԵԸ ԱՆԴՐԱՆԻԿ ԱՆԹԻԼԻԱՍ ՇԱՀԵՑԱՒ 21 ՏԱՐԵԿԱՆՆԵՐՈՒ ԼԻԲԱՆԱՆԻ ՓԻՆԿ ՓՈՆԿԻ ԱՆՀԱՏԱԿԱՆ

0
3377

Տարբեր  մարզաձեւերու մէջ,  ֆութպոլ, պասքեթպոլ, փինկ փոնկ,թաէքուանտօ, ճատրակ,  թենիս, ՀԵԸ Անդրանիկի   յաջողութիւնները, անոր մարզական  դպրոցներուն մէջ, փորձառու մարզիչներու  հսկողութեան տակ, հետեւողական աշխատանքի հետեւեանք են: ՀԵԸ-ի մարզական ակադեմիաներուն  մէջ կը պատրաստուին  մեր  վաղուան  մարզիկ-մարզուհիները:

Կիրակի,  25  Օգոստոս  2019-ին, Լիբանանի  փինկ փոնկի ֆետերասիոնին  հովանաւորութեամբ, Ռիատի ակումբին մէջ, Մանարա, տեղի ունեցան  փինկ փոնկի Լիբանանի 21  տարեկաններու ախոյեանութեան  մրցումները:

ՀԵԸ Անդրանիկ Անթիլիասական Ալեքս ալ Տարզի պարտութեան մատնելէ ետք իր բոլոր մրցակիցները, աւարտական մրցումին  ճակատեցաւ Լիբանանի թիւ 1՝  Ղալէպ  Ֆահէսի  դէմ եւ՝ 3-2 արդիւնքով պարտութեան մատնեց  Ֆահէսը, շահելով  ախոյեանութեան տիտղոսը:

Նշենք, թէ ՀԵԸ  Անդրանիկ Անթիլիասի  մարզիչն է  Սահակ Պիտինեանը:

Կը  շնորհաւորենք  ՀԵԸ Անդրանիկ Անթիլիասը սոյն  յաղթանակին առիթով, մաղթելով նորանոր յաջողութիւններ:

LEAVE A REPLY

Please enter your comment!
Please enter your name here