«Ո՞վ եմ ես, ո՞վ ես դու, չգիտեմ. Օտար ենք մենք իրար, անծանօթ»

0
260

ԱՐԱ  ՍԱՆՃԵԱՆ

Ատիս Հարմանտեանի մահուան համարեա աննկատ մնալը Հայաստանի զանգուածային լրատուամիջոցներուն կողմէ, ինծի յիշեցուց իր սիրուած երգերէն երկտող մը`

«Ո՞վ եմ ես, ո՞վ ես դու, չգիտեմ.
Օտար ենք մենք իրար, անծանօթ»

Խօսքն այս պարագային Հայաստանի ու սփիւռքի իրարմէ հեռու ըլլալն է` եթէ անոնց առօրեայ կեանքը կը քննարկենք։

Երեւի չգրէի, եթէ զիս չզայրացնէր այս քար լռութիւնը։ Աւելցնեմ թէ չզարմացայ, բայց ատիկա զայրոյթս չի մեղմացներ։ Ատիսը միլիոններ չունէր Հայաստանի մէջ բարեգործութիւն ընելու եւ ազգային հերոսի տիտղոս ստանալու համար։ Բայց սփիւռքի մէջ, Ատիսը եւ իր սերնդակից էսթրատային երգիչները շա՜տ աւելին իրագործեցին հայապահպանութեան համար քան Քըրք Քերքորեանը (Գրիգորեան) կամ Էտուարտօ Էօրնէքեանը… Իմ գնահատմամբս, իմ եւ ինձմէ քիչ մը մեծ սերունդի սփիւռքահայերը շատ աւելի պարտական ենք Ատիսին եւ իր սերնդակից հայերէն երգող երգիչներուն … քան` մինչեւ 1988 իր հայութիւնը «խաթրի համար» յիշող Ազնաւուրին…

Ատիսին մասին չիմացող հայերը, ուր ալ բնակին այս աշխարհին վրայ, կրնան … միայն ամչնալ իրենց անգիտութենէն…

LEAVE A REPLY

Please enter your comment!
Please enter your name here