Հայաստան-Իտալիա 1-3

0
313
Armenia's forward Aleksandr Karapetyan celebrates after scoring a goal during the Euro 2020 Group J football qualification match between Armenia and Italy at the Vazgen Sargsyan Republican stadium in Yerevan on September 5, 2019. (Photo by Karen MINASYAN / AFP) (Photo credit should read KAREN MINASYAN/AFP/Getty Images)

ԵՐԵՒԱՆ, «Նիուզ».- Վազգէն Սարգսեանի անուան «Հանրապետական» մարզադաշտին մէջ, 5 սեպտեմբերին տեղի ունեցաւ Հայաստանի եւ Իտալիոյ հաւաքականներուն միջեւ ճակատումը՝ 2020-ի Եւրոպայի ֆութպոլի ախոյեանութեան զտումի մրցումներու ծիրին մէջ։

10-րդ խմբակի 5-րդ հանգրուանի այս մրցումին, Հայաստան 1-3 արդիւնքով (կիսախաղ՝ 1-1) պարտութիւն մը կրեց, յաջորդական երկու յաղթանակներ արձանագրելէ ետք Լիխթընշթայնի եւ Յունաստանի դէմ։

Մրցումին անդրանիկ կոլը 11-րդ վայրկեանին նշանակեց Ալեքսանդր Կարապետեան, Տիգրան Բարսեղեանի փոխանցումին շնորհիւ։

Սակայն, 28-րդ վայրկեանին Անտրէա Պելոթի հաշիւը հաւասարեցուց:

Հայաստանի հաւաքականին վիճակը վատթարացաւ կիսախաղէն անմիջապէս առաջ, երբ Ալեքսանդր Կարապետեան երկրորդ դեղին քարտը ստանալով՝ հեռացուեցաւ խաղադաշտէն:

Հայրենի մարզիկներ երկրորդ կիսախաղի մինչեւ 77-րդ վայրկեանը կրցան յաջողութեամբ դէմ դնել իտալացիներու յարձակումներուն, սակայն 78-րդ եւ 80-րդ վայերկեաններուն երկու կոլեր ստացան։

Նշենք, թէ Իտալիա յաղթանակով աւարտած է ցարդ կատարած 5 մրցումները:

Հայաստանի հաւաքականը խաղադաշտ ներկայացաւ հետեւեալ կազմով. Արամ Հայրապետեան, Անդրէ Կալիսիր, Վարազդատ Յարոյեան, Արտակ Գրիգորեան, Կառլեն Մկրտչեան, Գէորգ Ղազարեան, Տիգրան Բարսեղեան, Կամօ Յովհաննիսեան, Հենրիկ Մխիթարեան, Յովհաննէս Համբարձումեան, Ալեքսանդր Կարապետեան:

Հայաստան իր յաջորդ մրցումը պիտի կատարէ Պոսնիոյ հաւաքականին դէմ, Երեւանի մէջ, 8 սեպտեմբերին։ Երթի մրցումին Հայաստան 2-1 արդիւնքով պարտութիւն կրած էր Պոսնիոյ մէջ։

LEAVE A REPLY

Please enter your comment!
Please enter your name here