Ճոն Պոլթըն Պաշտօնազրկուեցաւ

0
204

ՈՒԱՇԻՆԿԹԸՆ, «Պի.Պի.Սի.».-  Նախագահ Տոնալտ Թրամփ  պաշտօնազրկեց Միացեալ Նահանգներու նախագահի ազգային անվտանգութեան հարցերու խորհրդական Ճոն Պոլթընը: Թրամփգրեց, թէ «Սպիտակ տունը այսուհետեւ պէտք չունի անոր սպասարկութիւններուն»։

Իր կարգին, Պոլթըն յայտնեց, թէ ինք մէկ օր առաջ արդէն իսկ հրաժարած էր պաշտօնէն։

Կը հաղորդուի, թէ Պոլթըն եւ Թրամփ շարք մը հարցերու շուրջ տարակարծիք էին եւ Պոլթըն դէմ էր յատկապէս Աֆղանիստանի «Թալիպան» շարժումին հետ բանակցելու Թրամփի ինքնագլուխ որոշումին, որ արտաքին քաղաքականութեան մէջ ձախողութեան մը եւս առաջնորդած էր երկիրը։

Պոլթըն, ապրիլ 2018-ին նշանակուած էր այս պաշտօնին, յաջորդելով Հ. Ռ. ՄըքՄեսթըրին, որ փոխարինած էր Ռուսիոյ եւ Թուրքիոյ հետ ապօրինի կապերուն իբրեւ հետեւանք հրաժարած Մայքըլ Ֆլինը։

Թրամփ խոստացաւ իր պաշտօնավարութեան ընթացքին ազգային անվտանգութեան հարցերու չորրորդ խորհրդականը նշանակել յառաջիկայ շաբթուան ընթացքին։

LEAVE A REPLY

Please enter your comment!
Please enter your name here