Հայաստանի Պատմութեան թանգարանը 100 տարեկան է

0
200

«Արմէնփրէս».- Հայաստանի պատմութեան թանգարանը կը նշէ իր հիմնադրութեան 100-ամեակը:
Հայաստանի Ա. Հանրապետութեան խորհրդարանի որոշումով` 9 սեպտեմբեր 1919-ին ստեղծուեցաւ Հայաստանի պատմութեան թանգարանը, որ արդէն մէկ դարէ ի վեր այցելուներուն կը ներկայացնէ հայ ժողովուրդի պատմութեան եւ մշակոյթի արժէքները:
Թանգարանի յոբելեանին նուիրուած ձեռնարկները սկիզբ առին գիտաժողովի հանդիսաւոր նիստով, որուն մասնակցեցան արտասահմանեան ծանօթ թանգարաններու ներկայացուցիչներ:
“Շատ դժուար է գնահատել Պատմութեան թանգարանի նշանակութիւնը անցեալ 100 տարիներու ընթացքին: Ան, յիշողութիւնը կրող այն հաստատութիւնն է, որուն դերը շատ մեծ է մեր պետութեան, նաեւ պետութեան կայացման մէջ”, ըսաւ թանգարանի տնօրէն Գրիգոր Գրիգորեան, աւելցնելով՝ որ յառաջիկային Թանգարանը այցելուներուն պիտի ներկայանայ նոր ցուցահանդէսներով:
Ռուսաստանի պատմութեան թանգարանի փոխտնօրէն Անտրէ Եանքովսկի նշեց, որ նման հաստատութեան համար 100 տարին պատկառելի թիւ է, սակայն Հայաստանի նման հին երկրի մը համար շատ երիտասարդ տարիք է:
Հայաստանի պատմութեան թանգարանի յոբելեանը տեսակապով շնորհաւորեց նաեւ Ս. Փեթերսպուրկի Էրմիթաժ թանգարանի տնօրէն Միխայիլ Փիոթրովսքի, որ ընդգծեց թանգարաններու միջեւ բարեկամական եւ գործընկերային սերտ կապը եւ զայն խորացնելու կարեւորութիւնը:
Հայաստանի պատմութեան թանգարանի հիմնադրութեան 100-ամեակին նուիրուած գիտաժողովի հանդիսաւոր նիստին մասնակցեցան Պետական, Էրմիթաժի, Լուվրի, Մեթրոփոլիթէն արուեստի թանգարանի, Ռուսաստանի պատմութեան թանգարանի, Առլի հնութիւններու թանգարանի, Ռոսֆոթօ թանգարան-ցուցահանդէսային կեդրոնի ներկայացուցիչները, պատմաբաններ, հնագէտներ, թանգարանագէտներ եւ արուեստաբաններ Ֆրանսայէն, Իտալիայէն, Ռուսաստանէն եւ հայաստանեան տարբեր հաստատութիւններէ: Նիստի ընթացքին թանգարանը ճանաչելի դարձնելու գործին մէջ մեծ աւանդ ունեցած անձերու եւ թանգարանի վաստակաշատ աշխատակիցներուն յանձնուեցան յոբելինական յուշամետ

LEAVE A REPLY

Please enter your comment!
Please enter your name here