ԱՐԺ. Տ. ԱՐՏԱԿ Ա. ՔՀՆՅ. ՔԷՀԵԱԵԱՆԻ ՄԱՍՆԱԿՑՈՒԹԻՒՆԸ ԱՍՏՈՒԱԾԱՇՈՒՆՉԻ ԸՆԿԵՐԱԿՑՈՒԹԵԱՆՑ ՀԱՄԱԳՈՒՄԱՐԻՆ

0
513

Լիբանանի, Սուրիոյ, Իրաքի եւ Անգլիոյ Աստուածաշունչի Ընկերակցութիւնները, գործակցութեամբ Միջին Արեւելքի Եկեղեցիներու Միութեան, անցնող օրերուն Պէյրութի մէջ կազմակերպած էին «Մոգերու Նախաձեռնութիւն» անունով եկեղեցիներու երկխօսութեան համագումարը:

Համագումարին իրենց մասնակցութիւնը կը բերէին մեծ թիւով եկեղեցիներ՝ Եւրոպայէն, Միջին Արեւելքէն եւ Արաբական Ծոցի շրջանէն, որոնց կարգին էին Թուրքիոյ հայ եկեղեցին, ինչպէս նաեւ Ծոցի շրջանը ներկայացնող Աստուածաշունչի Ընկերութեան ընդհանուր քարտուղար՝ Տօքթ. Հրայր Ճէպէճեանն ու յանձնաժողովի նախագահ՝ Արժ. Տ. Արտակ Ա. Քհնյ. Քէհեաեանը:

Համագումարի բացումը տեղի ունեցաւ Հինգշաբթի, 10 Հոկտեմբեր 2019-ին:

Աստուածաշունչի Ընկերութեան եւ Միջին Արեւելքի Եկեղեցիներու Միութեան անունով բացման խօսքերը արտասանուելէ ետք, համագումարի առաջին դասախօսութիւնը վերապահուած էր Ն.Ս.Օ.Տ.Տ. Արամ Ա. Վեհափառ Հայրապետին, որ իր գաղափարներով համագումարի յառաջիկայ երկու օրերու աշխատանքներուն նախագիծը դրաւ:

Յաջորդող երկու օրերու ընթացքին, համագումարի օրակարգը խճողուած էր, հիմնական նիւթ ունենալով հայ եկեղեցւոյ ներկայ դարու մարտահրաւէրները, որոնք կը տարբերէին արեւելքի եւ արեւմուտքի միջեւ: Ներկայացուած հարցերուն եւ մարտահրաւէրներուն մասին եղան երկխօսութիւն՝ արեւմտեան եկեղեցիներու եւ Միջին Արեւելքի եկեղեցիներու ներկայացուցիչներուն միջեւ:

Աւարտին, համագումարը պատրաստեց գործնական եզրակացութեան պատկեր մը, որ յառաջիկայ օրերուն պիտի յայտարարուի մամլոյ մէջ:

Արժ. Տէր Հայրը Շաբաթ երեկոյեան վերադարձաւ Քուէյթ:

 

LEAVE A REPLY

Please enter your comment!
Please enter your name here