Կուսակցութիւններու Ձեւաւորման Վերաբերեալ Առաջարկներու Ներկայացում

0
409

Արտախորհրդարանական քաղաքական ուժերու ներկայացուցիչները կուսակցութիւններու ղեկավար կազմերուն մէջ կիներու ներգրաւուածութեան եւ պետական աջակցութեան մեքանիզմներու վերաբերեալ իրենց առաջարկները ներկայացուցին Ազգային ժողովին:

Կուսակցութիւններու ներկայացուցիչները այս նիւթը քննարկեցին «Կուսակցութիւններու մասին սահմանադրական օրէնք, առկայ խնդիրները եւ փոփոխութիւններու շրջանակը» նիւթով խորհրդարանական լսումներուն:

Հայ յեղափոխական դաշնակցութեան Գերագոյն մարմինի անդամ Արմենուհի Կիւրեղեան իր ելոյթին մէջ նկատել տուաւ, որ Ազգային ժողովի աշխատանքային խումբին ներկայացուցած հայեցակարգին մէջ նշուած է, որ օրէնքի բարեփոխման առանցքային նպատակը բազմակուսակցական համակարգի զարգացումն է: Կիւրեղեան նկատել տուաւ` բազմակուսակցական համակարգի կայացումը շատ կարեւոր է, սակայն տեսակէտ յայտնեց, որ այսօր դեռ ունինք միակուսակցական ղեկավարում:

«Կան կուսակցութիւններ, որոնց մէջ 50 առ հարիւրէ աւելին կիներ են, կան կուսակցութիւններ, ուր կիները 10 առ հարիւր են: Պէտք է կուսակցութիւններու բոլոր մակարդակներու վրայ ղեկավար մարմիններու կազմին մէջ համամասնօրէն ապահովել կիներու ներգրաւուածութիւնը», ըսաւ Կիւրեղեան:

Քաղաքացիի որոշում կուսակցութեան անդամ Միքայէլ Նահապետեան շեշտեց կուսակցութեան ներքին շարքերուն մէջ ժողովրդավարութեան առկայութեան կարեւորութիւնը: Ան նկատել տուաւ, որ կուսակցութիւններու մասին օրէնքին առնչուած հարցեր քննարկելը կ՛առնչուի Սահմանադրութեան, Ընտրական օրէնսգիրքին, Հանրաքուէներուն մասին օրէնքին առնչուող հարցերուն:

LEAVE A REPLY

Please enter your comment!
Please enter your name here