Հայաստանի Մէջ Առաջին Եւ Երկրորդ Երեխայի Ծննդեան Նպաստը 300 Հազար Պիտի Ըլլայ

0
341

ԵՐԵՒԱՆ, «Արմէնփրէս».- Հայաստանի մէջ երեխայի ծննդեան միանուագ նպաստի չափը պիտի աւելնայ 1 Յուլիս 2020-էն սկսեալ: Հայաստանի Ազգային ժողովին մէջ յաջորդ տարուան պետական պիւտճէի նախագիծի քննարկման ընթացքին այս մասին յայտնեց վարչապետ Նիկոլ Փաշինեան:

«Երեխայի ծննդեան միանուագ նպաստի չափի աւելացում կ՛ունենանք՝ սահմանելով 300 հազար դրամ: Գործող կարգով առաջին եւ երկրորդ երեխաների համար այս պահին սահմանուած է 50 հազար եւ 150 հազար դրամ, բայց այդ թուերը կ՛աւելանան (հասնելով 300 հազարի): Մենք մինչեւ 2 տարեկան երեխայի խնամքի նպաստի չափի աւելացում կ՛ունենանք՝ 25.500 դրամ, գործող 18.000 դրամի փոխարէն: Ծնելիութեան աճի խթանմանն ուղղուած ծրագրեր կ՛իրականացուեն», նշեց վարչապետ Փաշինեան:

Ան յիշեցուց, որ արդէն աւելցած է ուսուցիչներու աշխատավարձը: Կատարուած է ուժային կառոյցներու աշխատողներու միջին աշխատավարձի 10 տոկոսով բարձրացում, Արտակարգ իրավիճակներու նախարարութեան Փրկարար ծառայութեան աշխատողներու աշխատավարձի բարձրացում՝ 30 տոկոսով, անտառապահներու եւ անտառապետերու աշխատավարձերու բարձրացում՝ 20.000 դրամով:

«Բացի այդ, մենք կ՛ունենանք կենսաթոշակների միջին չափի բարձրացում 10 տոկոսով», յայտնեց վարչապետ Փաշինեան:

LEAVE A REPLY

Please enter your comment!
Please enter your name here