Մայիլեանի Ռուսիա Այցելութեան Դէմ Պաքուէն Բողոք՝ Ռուսիոյ Դեսպանին

0
242

ԵՐԵՒԱՆ, «Ազատութիւն».- Ատրպէյճանի իշխանութիւնները արտաքին գործոց նախարարութիւն հրաւիրեցին Պաքուի մօտ Ռուսիոյ դեսպան Միխայիլ Պոչարնիքովը եւ անոր փոխանցեցին բողոքագիր մը՝ Արցախի Հանրապետութեան արտաքին գործոց նախարար Մասիս Մայիլեանի, ինչպէս նաեւ Լեռնիկ Յովհաննիսեանի Ռուսիա այցելելութեան վերաբերեալ:

Չորեքշաբթի փոխանցուած բողոքագիրին մէջ կ՛ըսուի հետեւեալը. «Ատրպէյճանի գրաւեալ տարածքներուն մէջ ստեղծուած անօրինական միաւորման այսպէս կոչուած ներկայացուցիչներուն Ռուսիա այցելութիւնը եւ անոնց հանդիպումները Ռուսիոյ շարք մը փորձագէտներու եւ գիտական կեդրոններու աշխատակիցներու հետ կը ծառայեն Հայաստանի կողմէ 30 տարիէ ի վեր իրականացուող փորձերուն՝ ամրապնդելու ներկայ իրավիճակը եւ շարունակելու Ատրպէյճանի հողերուն գրաւումը»:

Պաքու նաեւ կը պնդէ, թէ նման «սադրիչ» այցելութիւններ վնաս կը հասցնեն Ատրպէյճանի տարածքային ամբողջականութեան, ինչպէս նաեւ բանակցային գործընթացին եւ Ատրպէյճան-Ռուսիա յարաբերութիւններուն՝ աւելցնելով, որ Արցախի ներկայացուցիչներուն այցելութիւնները չեն համապատասխաներ Մոսկուայի միջնորդական պարտականութիւններուն՝ իբրեւ ԵԱՀԿի Մինսկի խմբակի համանախագահ երկիր։

Բողոքագիրը դեսպանին փոխանցեց արտաքին գործոց փոխնախարար Խալաֆ Խալաֆով, իսկ հանդիպման ընթացքին դեսպան Պոչարնիքով ըսաւ, թէ Արցախի հակամարտութեան հարցով Ռուսիոյ դիրքորոշումը յստակ է եւ չէ փոխուած: Ըստ անոր՝ նման այցելութիւններ չեն արտայայտեր Ռուսիոյ պաշտօնական դիրքորոշումը:

LEAVE A REPLY

Please enter your comment!
Please enter your name here