ՔԱՂԱՔԱԿԱՆ ԱՆՈՐՈՇՈՒԹԻՒՆ ԼԻԲԱՆԱՆԻ ՄԷՋ

0
420

Քաղաքական  դէտեր կը յայտնեն, թէ   Լիբանանի տագնապը կրնայ   միջազգայնանալ  եթէ  տեղական կուսակցութիւնները,   հոսանքներu  եւ կազմակերպութիւնները չկարենան   համաձայնութիւն  գոյացնել  իրենց միջեւ:  Ոմանց կարծիքով  նախագահ Էմմանուէլ Մաքրոնի  պատուիրակին  Լիբանան  կատարած այսօրուան այցելութիւնը միջազգայնացման  առաջին  քայն էր:  Այս  մտահոգութիւնը կրնայ   փարատիլ  շուտափոյթ կառավարութեան կազմութեամբ ( Al Nashra ԿԱՅՔ):

Լիբանանի մէջ տեղի ունեցող    ժողովուրդային ցոյցերուն  27-րդ օրը, ցուցարարները փորձեցին փակ  պահել երկրին մայրուղիները: Պէտք է ըսել, որ   ճանապարհներուն մեծամասնութիւնը մնաց փակ:  Ցուցարարները նստացոյցեր կազմակերպեցին պետական   հաստատութիւններուն առջեւ, որոնց մէջ՝  կրթական նախարարութեան, մայրաքաղաք Պէյրութի,  Սուրի, Սայտայի, Զահլէի արդարադատութեան կառոյցներուն առջեւ, ինչպէս նաեւ   բջիջային  հեռաձայնի  ընկերութիւններու  շէնքերուն առջեւ: Ցոյցերուն կը մասնակցին   ժողովրդային խաւի տարբեր զանգուածնր՝     աշխատաւորներէն մինչեւ   համալսարանականները:

Լիբանանի դրամատուները այսօր՝  Երեքշաբթի,   12  Նոյեմբեր  2019-ին մնացին փակ:Ելեւմտական հարցերու ընդհանուր դատախազ Ալի  Իպրահիմ  դատական հայց  բարձրացուց Պէյրութի  քաղաքապետութեան բարձրաստիճան  անձնաւորութիւններէն  մէկուն դէմ:  Ենթակային անունը  առայժմ կը պահուի գաղտնի:

Միւս  կողմէ,  Դրամատուներու  պաշտօնէութեան սենտիքան որոշեց   շարունակել   անցնող  Շաբաթ  օր սկսած գործադուլը, մինչեւ անոնց պահանջերուն իրականացումը:

Լիբանանի  փռապաններու սենտիքայի նախագահ  Քազեմ Իպրահիմ բացառեց  հացի տագնապին մասին տարաձայնութիւնները,  նշելով, թէ   երկրին մէջ առկայ են  մեծ քանակութեամբ   ալիւրի պաշարներ: Այսուհանդերձ ան  ցաւ յայտնեց, որ  տոլարով ներածելու   հարցը  տակաւին կը  սպասէ իր լուծումին:  (Աղբիւր՝  Lebanon Debate ԿԱՅՔ):

Հանրապետութեան նախագահ Միշէլ Աուն, Պաապտայի պալատին մէջ այսօր՝  Երեքշաբթի ընդունեց Լիբանանի  Օգնութեան Համախմբումի անդամ պետութիւններուն դեսպանները:   Աուն  դիտել տուաւ, թէ  Լիբանան  մօտ օրէն պիտի ունենայ  նոր կառավարութիւն մը, որ պիտի  ձեռնարկէ  բարեկարգութիւնները:  (Աղբիւր՝ Lebanon  Files ԿԱՅՔ):

Հանրապետութեան նախագահ  Միշէլ Աուն, այսօր՝   Երեքշաբթի երեկոյեան, Պէյրութի ժամով՝ 8.30-ին   ուղերձ մը պիտի յղէ լիբանանցիներուն:  Քաղաքական որոշ դէտերու կարիքով, նախագահ Աուն պիտի  տայ նոր կառավարութիւն կազմելու խորհրդարանական պարտադիր խորհրդակցութիւնները  սկսելու  ազդանշանը:

Ան Նահար   ծանօթ  օրաթերթին համաձայն,  կառավարութեան կազմութիւնը առնչուած է   Միջին Արեւելքի մէջ  Իրանի  ներկայութիւնը  աստիճանաբար  տկարացնելու Միացեալ Նահանգներու  քաղաքականութեան հետ:  Ուաշինկթըն, կը փորձէ  Լիբանանի  ժողովրդային   ցոյցերը  օգտագործել կամ  շահարկել   տկարացնելու Լիբանանի մէջ  Իրանի դաշնակից Հըզպալլային դիրքերը:  Ուաշինկթըն  եւ  Լիբանանի անոր  դաշնակիցները  կը պահանջեն   ոչ քաղաքական եւ  ոչ կուսակցական  դէմքերէ  բաղկացած կառավարութիւն մը: Այս  պահանջը  կրնայ  շատ    իրաւացի  թուիլ առաջին     մեկնաբանութեամբ,  սակայն անոր մէջ պահուած է   Հըզպալլան  թուլացնելու   գաղտնիքը:

LEAVE A REPLY

Please enter your comment!
Please enter your name here