Էրտողան Կը Յոխորտայ Ցեղասպանութեան Բանաձեւին Քուէարկութիւնը Խոչընդոտելուն Համար

0
404

ԵՐԵՒԱՆ, «Էրմենիհապեր».- Թուրքիոյ նախագահ Ռեչեփ Թայիփ Էրտողան իշխող Արդարութիւն եւ բարգաւաճում կուսակցութեան խորհրդարանական խմբակցութեան  19 Նոյեմբերի նիստին ընթացքին, անդրադարձած է թուրք-ամերիկեան յարաբերութիւններուն, Ներկայացուցիչներու տան կողմէ Հայոց Ցեղասպանութիւնը ճանչցող բանաձեւի ընդունման եւ Ծերակոյտին մէջ այդ բանաձեւի քննարկման վրայ դրուած վեթոյին:

Էրտողան, խօսելով թուրք-ամերիկեան յարաբերութիւններուն մէջ յառաջացած խնդիրներուն մասին, նշած է, որ անոնք արհեստականօրէն կը մեծցուին Միացեալ Նահանգներու մէջ հակաթրքական շրջանակներու կողմէ, շեշտելով, որ իր եւ նախագահ Տոնալտ Թրամփին միջեւ սերտ կապերը հակառակը կը յուշեն։

Ըստ Էրտողանի՝ թուրքերը «փաստաթուղթեր»ով ցոյց տուած են, որ Ներկայացուցիչներու տան կողմէ հաստատուած Հայոց Ցեղասպանութիւնը ճանչցող բանաձեւը «կը հակասէ պատմական ճշմարտութիւններուն եւ անարդար է»:

«Մեր հանդիպումէն ետք, բոլոր այն նախաձեռնութիւնները, որոնք կապուած են Ծերակոյտին մէջ հայկական պնդումներուն շուրջ քննարկման, ինչպէս գիտէք, ձախողած են: Անոնց դէմ վեթօ դրուած է», պարծանքով յայտնած է ան։

Յիշեցնենք, որ Թրամփին մօտիկ ծերակուտական Լինզի Կրեհեմ, Էրտողանին հետ հանդիպելէ ետք, կասեցուց բանաձեւը բաց քուարկութեան դնելու ծերակուտական Պապ Մենենտեզի առաջարկը։

LEAVE A REPLY

Please enter your comment!
Please enter your name here