Հայաստանի Ֆութպոլի Հաւաքականը Իր Պատմութեան Ամէնէն Ծանր Պարտութիւնը Կրեց

0
589

ՓԱԼԵՐՄՕ.- 2020-ի Եւրոպայի ֆութպոլի ազգային հաւաքականներու աւարտախաղի զտումի վերջին մրցումին, Հայաստանի հաւաքականը Երկուշաբթի, 18 Նոյեմբերի երեկոյեան կրեց անփառունակ պարտութիւն մը, 9 կօլեր ստանալով եւ փոխարէնը նշանակելով որբ կօլ մը։ Այս պարտութիւնը Հայաստանի համար եղաւ ամէնէն ծանրը՝ անոր պատմութեան մէջ:

Հայաստանի խումբը կը խաղար խմբակին առաջատար՝ Իտալիոյ դէմ, որ զտումի 10 մրցումները յաղթանակով աւարտեց։

Պէտք է նշել, որ Հայաստանի խումբէն կը բացակայէին քանի մը հիմնական մարզիկներ, ներառեալ խմբապետ Հենիկ Մխիթարեանը։

Հայաստանի միակ կօլը նշանակեց Էտկար Բաբայեան (79-րդ):

Իր կրած այս պարտութենէն ետք, Հայաստան 10 կէտով գրաւեց Ժ. խմբակին նախավերջին դիրքը:

Խաղէն ետք Հայաստանի խումբի մարզիկները հրապարակաւ ներողութիւն խնդրեցին մարզասէրներէն ու հայ ժողովուրդէն։ Մարզիչ Աբրահամ Խաշմանեան յայտնեց, թէ այս արդիւնքը կը ցոլացնէ հայկական ֆութպոլի ներկայ վիճակը։ Խաշմանեան, որ հազիւ ամիս մը առաջ ստանձնած է մարզիչի պաշտօնը, ըսաւ որ ինք կը նախատեսէր այսպիսի «ֆիասքօ» (ձախողութիւն-Խմբ.) մը։

LEAVE A REPLY

Please enter your comment!
Please enter your name here