Հնչակեան Գործիչ Փարամազի Նուիրուած Ֆիլմի Ցուցադրութիւն Իզմիրի Մէջ

0
273

ՊՈԼԻՍ, «Մարմարա».- Իզմիրի մէջ ցուցադրուեցաւ վաւերագրական ֆիլմ մը, որ նուիրուած է  15 Յունիս 1915-ին Պոլսոյ Պայազիտի հրապարակին վրայ Հնչակեան կուսակցութեան 19 այլ գործիչներու հետ կախաղան հանուած Փարամազի (Մատթէոս Սարգիսեան) կեանքին։ Անիկա պատրաստուած է Գատիր Ագընի կողմէ, որ նաեւ հեղինակն է՝ «Հայ Յեղափոխական Փարամազ» գիրքին։

Ներկայացումէն ետք, Ագըն գոհունակութիւն յայտնեց ֆիլմին ստեղծած մեծ հետաքրքրութեան համար։ «Ուրախացայ, որովհետեւ ասիկա առիթ պիտի ըլլայ որպէսզի դարձեալ յիշենք մոռցուած եւ անգոյ նկատուած պատմութիւն մը։ Ֆիլմը երեւան կը հանէ այս երկրին մէջ հակաժողովրդավար քայլերը եւ ցեղային «մաքրագործումները», ըսաւ ան։

Ագըն դիտել տուաւ, որ 100 տարի առաջ, Պայազիտի նման կեդրոնական հրապարակի մը վրայ «Կեցցէ՛ ընկերվարութիւնը» պոռացողներուն պահանջները այսօր մեր պահանջներն են։

Ժապաւէնը նկարուած է Ժընեւի, Պազելի, Պէյրութի եւ Պոլսոյ մէջ։

LEAVE A REPLY

Please enter your comment!
Please enter your name here