Յովհաննէս Թումանեանի Կեանքն Ու Գործունէութիւնը Փոքրիկներուն Ներկայացուեցաւ Գծանկարային Ժապաւէնով Մը

0
1414

ԵՐԵՒԱՆ, «Արմէնփրէս».- Երեխաներու համար Յովհաննէս Թումանեանի կերպարը ամբողջացնելու, անոր կեանքին ընթացքը աւելի մատչելի ներկայացնելու նպատակով, Թումանեանի թանգարանի նախաձեռնութեամբ, ստեղծուած է գրողին մասին պատմող գծանկարային ժապաւէն մը, որ ցուցադրուեցաւ 21 Նոյեմբերին, մեծ գրողի թանգարանին մէջ:

«Որպէսզի Յովհաննէս Թումանեանի կեանքը երեխաներին բարդ չթուայ, որոշեցինք մուլտֆիլմի միջոցով ներկայացնել մեծ գրողին: Մեր հիմնական նպատակը մատաղ սերնդին Թումանեանին աւելի մօտ դարձնելն է», յայտնեց թանգարանի տնօրէն Անի Եղիազարեան:

Ան տեղեկացուց, որ գաղափարի հեղինակը թանգարանի նախկին տնօրէն Նարինէ Խաչատուրեանն է, իսկ ժապաւէնը կեանքի կոչած է Interactive world երիտասարդ խումբը: Երեխաները մեծ հետաքրքրութեամբ դիտեցին ժապաւէնը, որուն մէջ հասանելի լեզուով կը ներկայացուին գրողին հետ առնչուած լուրջ, ինչպէս նաեւ զաւեշտալի դէպքերը:

Գրողին 150-ամեակին առիթով ստեղծուած ժապաւէնը շուտով պիտի ներկայացուի նաեւ արեւմտահայերէն եւ անգլերէն:

LEAVE A REPLY

Please enter your comment!
Please enter your name here