Հարցազրոյց Արուեստագիտուհի՝ ՍՕՍԷ ԳՐԻԳՈՐԵԱՆԻ հետ

0
1829

 Յուսադրիչ հայուհի որ ինքնաշխատութեամբ եւ հետեւողութեամբ զարգացուցած է իր ունեցած երաժշտական ձիրքերը:

Պարծանքի եւ գովասանքի արժանի երիտասարդուհի որ լոյս աշխարհ եկածէ Սուրբ Քաղաքին մէջ՝ Երուսաղէմ, ուր հասակ առած է Սուրբ Յակոբ վանքի պարիսպներէն ներս:

Պիտի աշխատինք մեր հարցազրոյցով ներկայացնել ՍՕՍԷՆ ձեզի որպէսզի մօտէն ծանօթանանք իրեն եւ իր ունեցած ձիրքերուն եւ երաժշտական գործունէութեան:

Հետ հեռաձայնային կապէն վերջ, տպաւորուելով իրմէ պատրաստեցինք այս հարցարանը:

 Հ-1:

Յարգելի ՍՕՍԷ, պիտի խնդրենք քեզմէ ներկայացնես դուն քեզի Կանթեղի խմբակիցներուն, կեանքի սկզբնական հանգրուանիդ մասին՝ նախնական ուսում, երաժշտութեան յայտնութիւն: Ծնողքիդ դերը քու յառաջ երթալուդ:

 Պ-1:

Ծնած եմ Երուսաղէմի՝ Սրբոց Յակոբեանց վանքին մէջ, յաճախած եւ աւարտած եմ Սրբոց Թարգմանչացի երկրորդական Վարժարանը ( Երուսաղէմ ): Փոքր տարիքէս  սիրած երգել եւ սիրած եմ ըլլալ բեմերուն վրայ: Բեմը եղած է ինծ համար շատ հարազատ եւ ինքնահաստատումի միջավայր: Մասնակցած եմ դպրոցիս եւ գաղութիս եւ օտարներու բոլոր հանդէսներուն, տօներուն, ներկայացնելով մեր մշակոյթը, երգը եւ թատրոնը:

Երաժշտական ուսումս սկսած եմ  Edward Said National Conservatory of Music ի մէջ ապա ընդունուած եմ Academy of Music and Dance of Jerusalem – Classical vocal & Music Teacher for Blind children ) BA ) դասաւանդած եմ Helen Keller կոյրերու եւ տարբեր դժուարութիւններ ունեցող աշակերտներու ( 3տ- 17տ ). Եւ հիմա կը շարունակեմ ուսումս Pop Jazz faculty ին նոյն Ակադեմիային մէջ 2րդ տարի է ի վեր:

Ծնողքս միշտ եղած է կողքիս, քաջալերելով արուեստս, եւ երբ պէտք ունեցած եմ իրենց չեն զլացած: Իմ յաջողութիւններովս անոնք կ՛ուրախանան եւ յարգած են որոշումներս:

 Հ-2:

Համալսարանական ուսումդ ինչպիսի մասնագիտութեամբ ստացար, իսկ երաժշտութիւնը երբ գրաւեց առաջնահերթութիւնը քու կեանքիդ մէջ: Երաժշտական ի՞նչպիսի ուսման հետեւեցար զարգացնելու գիտելիքներդ, ձայնամարզութիւնդ:

 Պ-2:

Սկիզբը ընդունուեցայ դասական ի բաժինը, բայց որովհետեւ ինծի աւելի կը հետաքրքրեր Հայերէն երգերը: Ամէն ամառ Երեւան կը մեկնէի մի քանի ամիսով եւ անհատական դասեր կ՛առնէի Կոմիտասի երաժշտանոցէն ներս, ուժս դրած էի Կոմիտաս Վարդապետի երգերուն վրայ, օրինակի համար, ի՞նչպէս ճիշտ խաղեր կատարել, երկար պահել նոտան, ի՞նչպէս ճիշդ արտասանել տառերուն ուղղագրութիւնները, արեւելահայերէն եւ արեւմտահայերէն:

Երաժշտութիւնը գրաւեց առաջնահերթութիւնը կեանքիս մէջ, երբ սկսայ մասնակցիլ Սփիւռքի Նախարարութեան  կազմակերպած միջազգային փառատօներուն 3 -երեք տարիներ շարունակ:

Բազմատեսակ էին, ամէն մէկ դասատու իրեն կողմնացոյցը տարբեր էր, ըլլայ դասական եւ կամ յառաջդիմած ձայնայինը (վոկալը), որուն աւելցուցած եմ, մարմինի շարժումը, դերասանութիւնը եւ պարը:

 Հ-3:

Երաժշտական ի՞նչպիսի գործիքներ կը գործածես, յատկապէս երբ կը փորձես նոր երգեր եւ կը կատարես ձայնամարզութիւն:

 Պ-3:

Ընդհանրապէս՝ դաշնամուրի օգնութեան կը դիմեմ, եւ հայելին շատ կարեւոր է նաեւ դուրսէն մենք մեզի տեսնենք եւ որպէսզի ուղղենք մեր մարմինի շարժուձեւերն ու կեցուածքը:

 Հ-4:

Ե՞րբ սկսար ելոյթներ ունենալ Երուսաղէմի մէջ կամ երկրէն դուրս:

 Պ-4:

2015 , 2016 , 2017 տարիներուն, մասնակցած եմ սփիւռքի նախարարութեան Կոմիտասի փառատօներուն, ունեցած եմ նաեւ Երուսաղեմի մէջ մենահամերգներ, եւ կը շարունակեմ մասնակցիլ յատկապէս Երուսաղէմի եւ ընդհանրապէս Իսրայէլի զանազան քաղաքներու համերգներուն ներկայացնելով հայ մշակոյթն ու երաժշտութիւնը:

 Հ-5:

Քու անձնական երգերուդ արձանագրութիւններուն երբ ձեռնարկեցիր եւ ի՞նչպէս էին անոնց սկզբնական արդիւնքները, որքանով գոհացուցին քեզի:

Ե՞րբ ունեցար անկիւնադարձ այդ բաժնին մէջ:

 Պ-5:

Առաջին սկաւառակս՝ Գոյներ -ը  2019 ին լոյս տեսաւ Երեւան
1-   7 խազեր ( նուիրուած Կոմիտաս Վարդապետին )

2-   Պինկոլ

3-   Զարթիր որդեակ

4 – Լիզպոնի -5

5- Սարդարապատ

6-  Խռոված էր

7 – Սարի Սիրուն Եար

8-  Հոբաչինանայ

9-  Զոմա Զոմա

10- Գարուն Գարուն

Բաւականին գոհ եմ եւ ուրախ, այս իրագործումներով որոնք իմ դիմացս լաւ եւ յաջող դռներ բացին:

 Հ-6:

Տարեկան ի՞նչպիսի ելոյթներ կ՛ունենաս, Երուսաղէմի մէջ իսկ Հայաստանի այցելութիւններուդ մասին ի՞նչ կրնաս ըսել մեզի:

 Պ-6:

Ուսումս աւարտելու տակաւին 2 տարի ունիմ, կը մասնակցիմ համալսարանի ելոյթներուն եւ ազգային բոլոր առիթներուն կը բարձրանամ բեմ: Հայրենիքի այցելութիւններուս իրագործած եմ երաժշտութեան հետ կապուած, նոր երգեր, եւ տեսայ-երիզներ:

Իսկ վերջին անգամ  տեսայ-երիզս արձանագրուեցաւ Երուսաղէմի մէջ, Հրեայ երաժիշտներու հետ՝ Ով սիրուն Սիրուն երգը:

 Հ-7:

Ներկայի ծրագիրներդ ի՞նչ են, ապագայի նկատմամբ ի՞նչ կը մտածես կատարել  եւ իրագործել:

 Պ-7:

Ներկայիս հիմնականին մէջ կեդրոնացած եմ ուսումիս վրայ եւ կը հետեւիմ որպէսզի յաջողութեամբ աւարտեմ որմէ ետք աւելի առիղներ պիտի ունենամ պարբերաբար նոր երգեր ձայնագրելու:

 Հ-8:

Կանթեղին անունով յաջողութիւն կը մաղթենք ցանկանալով տեսնել քեզի փայլող աստղերուն կարգին:

Շնորհակալութիւն որ առիթը ընծայեցիր մեզի մօտէն ծանօթանալու Սօսէին:

 Պ-8:

ի  Սրտէ խորհին շնորհակալութիւններս կը յայտնեմ, Կանթեղ մշակութային խումբին, իր մօտէն հետաքրքրուելուն,  Հայ սերունդի նորաբացուող մշակոյթի եւ արուեստի կոկոններով:

 

Հարցազրոյցը վարեց՝

ԱԲԻԿ ԱԲՐԱՀԱՄ ԳԱՆՏԻԼԵԱՆ

 

 

 

 

 

LEAVE A REPLY

Please enter your comment!
Please enter your name here