Արամ Ա. Կաթողիկոսը Կ՛ողջունէ

0
464

ԱՆԹԻԼԻԱՍ.- Մեծի Տանն Կիլիկիոյ Արամ Ա. վեհափառ հայրապետը ջերմօրէն ողջունեց Միացեալ Նահանգներու Ծերակոյտին կողմէ միաձայնութեամբ Հայոց Ցեղասպանութեան ճանաչումը՝ զայն նկատելով եզակի իրագործում՝ Հայոց Ցեղասպանութեան ճանաչման մեր հաւաքական պայքարի ճանապարհին վրայ:

«Արդարեւ, այս գծով կարեւոր դեր ունեցան Միացեալ Նահանգներու Հայ Դատի մարմինները եւ յատկապէս Ուաշինկթընի մէջ գործող Հայ Դատի գրասենեակը: Անցնող տարիներուն Ուաշինկթընի մէջ մենք այցելած ենք յիշեալ գրասենեակը, քաջալերած ենք Հայ Դատի նուիրեալներուն աշխատանքը եւ մեր հայրապետական պատգամն ու օրհնութիւնը փոխանցած: Նաեւ հանդիպումներ ունեցած ենք հայ ժողովուրդի ու յատկապէս Հայ Դատի բարեկամ պետական պատասխանատուներու հետ: Ահա թէ ինչո՛ւ մենք յատուկ ուրախութեամբ կ՛ողջունենք այս կարեւոր նուաճումը, որ արդիւնք է հաւաքական ու հետեւողական աշխատանքի:

«Այս ուրախ առիթով, մեր բարձր գնահատանքը կը յայտնենք Միացեալ Նահանգներու Ծերակոյտին՝ այն սպասումով, որ Ներկայացուցիչներու տունէն եւ Ծերակոյտէն ետք Միացեալ Նահանգներու նախագահը եւս վճռական քայլ մը առնէ այս ուղղութեամբ:

«Փա՛ռք ու յարգանք իր բռնաբարուած իրաւունքներու պայքարին նուիրուած հայ ժողովուրդին», յայտնեց վեհափառ հայրապետը։

LEAVE A REPLY

Please enter your comment!
Please enter your name here