ՀՈՎՈՒԱԿԱՆ ՎԵՐԱԴԱՍԱՒՈՐՈՒՄՆԵՐ ԼԻԲԱՆԱՆԻ ՀԱՅՈՑ ԹԵՄԻՆ ՄԷՋ

0
894

Առ ի գիտութիւն մեր հաւատացեալ ժողովուրդին կը յայտնենք, թէ Լիբանանի հայոց թեմի Կրօնական ժողովի առաջարկով եւ առաջնորդ սրբազան հօր` գերաշնորհ Տ. Նարեկ արքեպիսկոպոսի որոշումով, վերջերս հետեւեալ հովուական վերադասաւորումները կատարուեցան.-

Ա.- Արժ. Տ. Դանիէլ քհն. Մանճիկեան մօտ օրէն Ամերիկայի Միացեալ Նահանգներ պիտի մեկնի` ծառայելու համար Արեւելեան շրջանի թեմին մէջ։

Բ.- Արժ. Տ. Օշին աւ. քհն. Գէորգեան Նորաշէնի Ս. Վարդանանց եկեղեցւոյ հոգեւոր հովիւ նշանակուեցաւ։

Գ.- Արժ. Տ. Ներսէս քհն. Պասիլեան Նոր Սիսի Ս. Սարգիս եկեղեցւոյ հոգեւոր հովիւ նշանակուեցաւ։

Դ.- Արժ. Տ. Յակոբ քհն. Պզտիկեան եւ Արժ. Տ. Խորէն քհն. Մելքոնեան Նոր Ատանայի Ս. Աստուածածին եկեղեցւոյ հոգեւոր հովիւ նշանակուեցան։

Ե.- Արժ. Տ. Առաքել քհն. Տըմտըմեան Ռաուտայի Ս. Ներսէս Շնորհալի մատուռի հոգեւոր հովիւ նշանակուեցաւ։

Առաւել, Արժ. Տ. Սեւակ աւ. քհն. Վասիլեան հանգստեան կոչուեցաւ։

Աստուածահաճոյ եւ եկեղեցանուէր առաքելութեան կը մաղթենք մեր քահանայ հայրերուն, քաջ գիտնալով` որ իրենց հովուական սպասաւորութիւնը պիտի ծաւալեն ականջալուր դառնալով Պօղոս առաքեալի յորդորին.- «Երախտապարտ եմ մեր Տիրոջ` Քրիստոս Յիսուսի, որ զօրացուց զիս եւ արժանի համարեց իրեն սպասաւոր կարգելու» (Առաջին նամակ Տիմոթէոսին 1.12)։

 

15 դեկտեմբեր 2019                                    ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ

LEAVE A REPLY

Please enter your comment!
Please enter your name here