«Հայերէն Գիրերը» Որմազդի Հրապարակում

0
882

Համազգայինի «Լալան ու Արան» մանկական խաղերու խմբակը հրապարակած է «Հայերէն գիրերը» որմազդը:

Որմազդին մէջ պատկերուած են հայերէն 38 գիրերը` փոքրագիր եւ գլխագիր: Օգտագործուած է խմբակին ստեղծած ԱՐԴԻ մանկական ձեռագիր տառատեսակը: Մանուկը կը տեսնէ նոյն ձեռագիր տառերը, զորս ինք կը սորվի դպրոցին մէջ:

Իւրաքանչիւր տառին հետ պատկերուած է այդ գիրով սկսող նկար մը. այդ պատկերներուն մեծամասնութեան անունները արդէն մանուկները սորված են Լալայի ու Արայի մանկական խաղերուն ընդմէջէն` «Գոյներու աշխարհ», «Ձեւերու աշխարհ» եւ «Գիրերու աշխարհ»: Եթէ տակաւին չէք ներբեռնած, շտապեցէ՛ք: Աւելցնենք, որ կան միայն երկու տառեր, որոնցմով հայոց լեզուով առարկաներու անուններ չունինք, հետեւաբար այդ երկուքին վերջին տառն է, որ ընտրուած է արեւ (ւ գիրին համար) եւ աքլոր (ր գիրին համար):

Որմազդին չափն է A1, որպէսզի կարելի ըլլայ օգտագործել նաեւ դասարաններուն մէջ:

Ապսպրելու համար դիմել մեր կայքի, Ֆէյսպուքի կամ Ինսթակրամի էջերուն:

www.lalanouaran.com

Facebook: lalanouaran

Instagram: Lalan ou Aran

LEAVE A REPLY

Please enter your comment!
Please enter your name here