ԱՅՍՕՐ՝ ՀԲԸՄ-ՀԵԸ ԱՆԴՐԱՆԻԿ ԱՆԹԻԼԻԱՍԻ ԵՐԷՑՆԵՐՈՒՆ ՆԱԽԱՁԵՌՆՈՒԹԵԱՄԲ ՆՊԱՍՏԱԲԱՇԽՈՒՄ ՀԱՅ ԸՆՏԱՆԻՔՆԵՐՈՒՆ

0
405

Լիբանանի  ընկերային- տնտեսական  մտահոգիչ զարգացումները անելային կացութեան  մատնած են  համեստ օրապահիկով ապրող  ընտանիքները:

ՀԲԸՄ-ՀԵԸ-ի Կեդրոնական Վարչութիւնը  Հայ Ընտանիքին  օգնութեան  ձեռք  մեկնելու մարդասիրական  զանազան  նախաձեռնութիւններու սկսած է այս ուղղութեամբ:

ՀԲԸՄ-ՀԵԸ Անդրանիկ  Անթիլիաս սկաուտական  շարժումի երէցները, շարունակելով  Նոր Տարուան  եւ Սուրբ  Ծննդեան  օրերուն  կարեկից  ընտանիքներուն  օժանդակելու   իրենց  բարի աւանդութիւնը, այս տարեվերջին, շատ աւելի հետեւողական աշխատանքով՝  Հայ  ընտանիքին երեսին  վրայ ժպիտ  գծելու եւ ուրախութիւն  յառաջացնելու  վճռակամութեամբ,   հարուածային եւ լայնածաւալ հանգանակութիւն մը  կազմակերպեցին:

Այսօր՝  Երեքշաբթի,  31  Դեկտեմբեր  2019-ին, բազմաթիւ ընտանիքներ, կոկիկ սնտուկներու  մէջ զետեղուած,  առաջնային օժանդակութիւն նկատուող  զանազան իրեր պիտի ստանան  ՀԵԸ Անդրանիկ Անթիլիասի  երէցներէն:

Այս առիթով,  ՀԵԸ ԱՆդրանիկ Անթիլիաս սկաուտական  շարժումը  իր երախտագիտութիւնը կը  յայտնէ բոլոր անհատներուն,  հաստատութիւններուն, որոնք անսալով կամաւոր իրենց  կոչին մասնակցեցան  մարդասիրական այս առաքելութեան:

Ուրախացնենք եւ ուրախանանք….

ԱՊՐԻ’Ք  ՀԵԸ ԱՆԴՐԱՆԻԿ ԱՆԹԻԼԻԱՍ ՍԿԱՈՒՏԱԿԱՆ  ՇԱՐժՈՒՄԻ  ԵՐԷՑՆԵՐ

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

LEAVE A REPLY

Please enter your comment!
Please enter your name here