Դամասկոս Անգարայէն Կը Պահանջէ Յարգել Սուրիոյ Գերիշխանութիւնը

0
405

ՄՈՍԿՈՒԱ, «ՌԻԱ Նովոսթի».- Մոսկուայի մէջ, 13 Յունուարին տեղի ունեցաւ Թուրքիա-Ռուսիա-Սուրիա եռակողմ հանդիպում մը, որուն ընթացքին սուրիական կողմը թրքական կողմէն պահանջեց յարգել Սուրիոյ գերիշխանութիւնը, անկախութիւնը, հողերուն եւ ժողովուրդին ապահովութիւնը, անմիջապէս ու ամբողջական կերպով հեռանալով սուրիական բոլոր հողերէն:

Սուրիական կողմին ներկայացուցիչը՝ Սուրիոյ գաղտնի սպասարկութեան ղեկավար Ալի Մամլուք, թրքական կողմի ներկայացուցիչ Թուրքիոյ գաղտնի սպասարկութեան ղեկավար Հաքան Ֆիտանին յայտնեց, որ Թուրքիա պէտք է յարգէ Իտլիպի վերաբերեալ Սոչիի համաձայնութեան հիմամբ իր ստանձնած յանձնառութիւնները, մասնաւորաբար շրջանէն ահաբեկիչները եւ ծանր զէնքերը հեռացնելու ու Հալէպ-Լաթաքիա եւ Հալէպ-Համա ճամբաները բանալու գծով:

Մամլուք շեշտեց, որ Սուրիոյ պետութիւնը վճռած է շարունակել ահաբեկչութեան դէմ պայքարը եւ ազատագրել Իտլիպի ամբողջ շրջանը:

LEAVE A REPLY

Please enter your comment!
Please enter your name here