Արտաքին Գործոց Նախարարութեան Արձագանգը՝ Մամետիարովի Յայտարարութեան

0
442

ԵՐԵՒԱՆ, «Արմէնփրէս».- Հայաստանի արտաքին գործոց նախարարութեան մամլոյ խօսնակ Աննա Նաղդալեան, անդրադառնալով Ատրպէյճանի արտաքին գործոց նախարար Էլմար Մամետիարովի այն յայտարարութեան, թէ Ատրպէյճանի եւ Հայաստանի արտաքին գործոց նախարարները մինչեւ Յունուարի վերջը հանդիպում պիտի ունենան՝ ըսաւ, որ Հայաստանի Հանրապետութեան արտաքին գործոց նախարարութիւնը կը շարունակէ կիրարկել երկու երկիրներու արտաքին գործոց նախարարներու հանդիպումներու համաժամանակեայ հանրայնացման դրութիւնը։

«Հայաստանի արտաքին գործերի նախարարութիւնն իւրաքանչիւր հանդիպման մասին տեղեկացնում է ընդունուած կարգով՝ ԵԱՀԿ Մինսկի խմբի համանախագահների միջոցով բոլոր մանրամասների համաձայնեցումից յետոյ: Մենք շարունակում ենք կիրառել հանդիպումների հանրայնացման այդ պրակտիկան», յայտնեց Նաղդալեան։

Նախարար Մամետիարով նշած էր, որ հանդիպման վայրը եւ ժամանակը տակաւին յստակ չեն՝ յայտնելով, որ ԵԱՀԿի Մինսկի խումբի համանախագահները պնդած են, որ նման հանդիպում մը տեղի ունենայ: Ան աւելցուցած էր, որ ԵԱՀԿի Մինսկի խումբի համանախագահները պիտի այցելեն տարածաշրջան այս տարուան առաջին եռամսեակին:

LEAVE A REPLY

Please enter your comment!
Please enter your name here