Վարչապետը Ընդունեց Յայտնի Աստղագէտ Գարիկ Իսրայէլեանը

0
425

ԵՐԵՒԱՆ, «Լրագիր».- Վարչապետ Նիկոլ Փաշինեան ընդունեց հայ ականաւոր աստղագէտ, գիտութեան եւ արուեստի միջազգային STARMUS (Stars and Music) փառատօնի հեղինակ եւ հիմնական կազմակերպիչ Գարիկ Իսրայէլեանը:

Ողջունելով նշանաւոր աստղագէտը՝ վարչապետը տպաւորիչ նկատեց անոր գիտական գործունէութիւնը եւ յոյս յայտնեց, որ ան իր հարուստ փորձառութեամբ եւ կառավարութեան հետ նախագիծերու կեանքի կոչումով պիտի նպաստէ Հայաստանի մէջ գիտութեան զարգացման:

Գարիկ Իսրայէլեան շնորհակալութիւն յայտնեց Նիկոլ Փաշինեանին՝ այս բարձր գնահատականին համար եւ պատրաստակամութիւն յայտնեց՝ աշխոյժ կերպով ներգրաւուիլ Հայաստանի գիտութիւնը հանրութեան մատչելի դարձնելու միտող միացեալ նախաձեռնութիւններու մէջ:

Զրուցակիցները միտքեր փոխանակեցին Հայաստանի մէջ այս տարի նախատեսուող STARMUS 6-րդ փառատօնին շուրջ, որուն նպատակը երաժշտութեան, արուեստի միջոցով երիտասարդներուն համար գիտութեամբ զբաղիլը գրաւիչ դարձնելն է: Վարչապետը նշեց, որ կառավարութիւնը պատրաստ է կարելի եղածին չափ օժանդակելու փառատօնի յաւուր պատշաճի եւ բարձր մակարդակով իրականացման:

LEAVE A REPLY

Please enter your comment!
Please enter your name here