«Անակնկալները Շարունակուելու Են Նաեւ 2020 Թուականին». Գաբրիէլ Բալայեան

0
577

Հայաստանի պաշտպանութեան փոխնախարար Գաբրիէլ Բալայեան հայոց բանակի կազմաւորման առիթով նախագահական պալատին մէջ տեղի ունեցած հանդիսութենէն ետք, լրագրողներու հետ ունեցած զրոյցին ընթացքին ըսաւ, որ պէտք է շնորհաւորել նաեւ ծնողները այն զինուորներուն, որոնք իրենց կեանքը նուիրեցին բանակի հզօրացման, հայրենիքի անկախութեան, զարգացման եւ սահմաններու անքակտելիութեան՝ աւելցնելով, որ կարգ մը քայլերու դիմած են նշեալ ընտանիքներուն աջակցելու։

Ըստ փոխնախարարին՝ 2019-ին, Երեւանի մէջ այդ զինուորներուն ընտանիքներում բնակարանային կարիքները շուրջ 95 տոկոսով բաւարարուած է, իսկ այժմ ծրագիր կ՛իրականացուի նաեւ մարզերուն մէջ։

Անդրադառնալով սպառազինութեան՝ ան շեշտեց, որ 2019-ը աննախադէպ եղաւ եւ հաստատեց, որ անակնկալները պիտի շարունակուին նաեւ 2020-ին, սակայն տակաւին չեն կրնար բացայայտել, թէ ի՛նչ զինամթերք պէտք է ստանայ Հայաստան:

«Անցեալ եւ այս տարուայ բիւջետային պլանաւորման (ծրագրաւորման-Խմբ.) մէջ բաւական գումարներ են յատկացուած հէնց այդ կարիքները բաւարարելու համար: Մենք շեշտը դրել ենք ոչ միայն սպառազինութեան, այլեւ համաժամանակեայ վարձատրութեան բարձրացման վրայ: Յոյս ունեմ, որ բոլոր այդ դրական տենդենցների (միտում-Խմբ.) զարգացումը կը կարողանանք ապահովել նաեւ 2020 թուականին», եզրափակեց Բալայեան:

LEAVE A REPLY

Please enter your comment!
Please enter your name here