Հայաստանի Եւ Ատրպէյճանի Արտաքին Գործոց Նախարարներու Հանդիպում

0
346

ԵՐԵՒԱՆ, «Արմէնփրէս».- 29 Յունուարին, Ժընեւի մէջ տեղի ունեցաւ Հայաստանի եւ Ատրպէյճանի արտաքին գոծոց նախարարներ Զօհրապ Մնացականեանի եւ Էլմար Մամետեարովի հանդիպումը, որ պիտի շարունակուի 30 Յունուարին։

Այս մասին յայտնեց Հայաստանի արտաքին գործոց նախարարութեան մամլոյ խօսնակ Աննա Նաղդալեան։

«Ընդունուած գործառոյթի համաձայն, հանդիպման արդիւնքներով կը հրապարակուի մամուլի հաղորդագրութիւն: Ինչպէս նշել ենք, հանդիպմանն անդրադարձ է կատարւում Լեռնային Ղարաբաղի խաղաղ կարգաւորման գործընթացին առնչուող հարցերի լայն շրջանակի», յայտնեց ան:

Հանդիպումը կայացաւ ԵԱՀԿի Մինսկի խմբակի համանախագահներ Իկոր Փոփովի (Ռուսիա), Սթեֆան Վիսքոնթիի (Ֆրանսա), Էնտրիւ Շոֆըրի (Միացեալ Նահանգներ) եւ ԵԱՀԿի գործող նախագահի անձնական ներկայացուցիչ Անճէյ Քասփրչիքի միջնորդութեամբ եւ մասնակցութեամբ։

Երկու նախարարներուն հանդիպումէն առաջ, Զօհրապ Մնացականեան տեսակցեցաւ Մինսկի խմբակի համանախագահներուն եւ Անճէյ Քասփրչիքի հետ։

LEAVE A REPLY

Please enter your comment!
Please enter your name here