«Հայկական Հակասեմականութի՞ւն». Ճշմարտութիւնն Այլ Է. «Ժըրուսալեմ Փոսթ»

0
567

ԵՐԵՒԱՆ, «Արմէնփրէս».- Երուսաղէմի եբրայական համալսարանի փրոֆեսէօր, հայագէտ Եոաւ Լօէֆ (Երուսաղէմի եբրայական համալսարանին մէջ կը դասաւանդէ հայոց պատմութիւն եւ մշակոյթ) իսրայէլական նշանաւոր «Ժըրուսալեմ Փոսթ» թերթին մէջ հրապարակեց վերջերս նոյն պարբերականին մէջ բացայայտօրէն Ատրպէյճանի պատուէրով հրապարակուած հակահայկական յօդուածին կեղծ պնդումները հերքող մանրակրկիտ վերլուծութիւն մը, որուն մէջ յստակ կերպով լուսարձակի տակ կը բերուի, թէ ինչո՛ւ Գարեգին Նժդեհ Հայաստանի մէջ հերոս է, եւ որքան սին են մեղադրանքները, թէ «Հայաստան հակասեմական է»։ Ան նաեւ նշեց, որ հակահայ յօդուածին փաստերը ըստ իր հայեցողութեան ընտրած է՝ լուրջ սխալներով։

Յօդուածագիրը նախ կ՛անդրադառնայ վերջին օրերուն Հայաստանի նախագահ Արմէն Սարգսեանի Իսրայէլ տուած այցելութեան, այնուհետեւ անցում կը կատարէ Գարեգին Նժդեհի նիւթին՝ ընդգծելով, որ վերջինս Հայաստանի մէջ հերոս է ո՛չ թէ նացի Գերմանիոյ հետ համագործակցելուն, այլ Օսմանեան կայսրութեան, հետագային նաեւ Ատրպէյճանի դէմ Հայաստանի անկախութեան համար պայքարելուն համար։

Յօդուածին վերջին բաժինով ան կը գրէ. «Ես կ՛եզրափակեմ՝ ուշադրութիւն հրաւիրելով երեք փաստի։ Առաջինը այն է, որ երկար տարիներէ ի վեր մինչ օրս Երեւանի սիրտին մէջ կայ յուշարձան՝ եբրայերէն եւ հայերէն գիրերով՝ նուիրուած Ողջակիզումին եւ Հայոց Ցեղասպանութեան զոհերուն յիշատակին։ Դժբախտաբար, այսպիսի յուշարձան չկայ Իսրայէլի մէջ։

«Երկրորդը՝ Հայաստան իր բարձրագոյն՝ Հայաստանի նախագահ Արմէն Սարգսեանը ուղարկեց Երուսաղէմ՝ Ողջակիզումի համաշխարհային ֆորումին։

«Երրորդը այն է, որ Հայաստան որոշած է շուտով դեսպանատուն բանալ Իսրայէլի մէջ՝ անկախ այն բանէն, որ Իսրայէլը դեսպանատուն կը բանա՞յ Երեւանի մէջ, թէ ոչ։ Չի կրնար ըլլալ այլ բացայայտ յայտարարութիւն, որ Հայաստան դէմ է հակասեմականութեան»։

LEAVE A REPLY

Please enter your comment!
Please enter your name here