102րդ Ռազմակայանին Եւ Հայաստանի Զօրքերու Զինումը ՀԱՊԿի Անվտանգութեան Ամրապնդման Կարեւոր Ուղղութիւն Է

0
570

ԵՐԵՒԱՆ, «Արմէնփրէս».- Հայաստանի մէջ տեղակայուած ռուսական 102-րդ ռազմակայանին եւ Հայաստանի զինուած ուժերուն զինումը Հայաստանի ու ընդհանուր ՀԱՊԿ-ի անվտանգութեան ամրապնդման կարեւոր ուղղութիւններէն է:

30 Յունուարին, ճեպազրոյցի մը ընթացքին այս մասին ըսաւ Հաւաքական անվտանգութեան պայմանագիրի կազմակերպութեան միացեալ ղեկավարման մարմինի պետ զօր. Անաթոլի Սիտորով՝ անդրադառնալով այն հարցումին, թէ ՀԱՊԿ-ն ի՛նչ անհրաժեշտ միջոցներու կը պատրաստուի ձեռնարկել տարածաշրջանին մէջ՝ նկատի ունենալով ամերիկեան-իրանեան յարաբերութիւններու լարուածութիւնը:

Շեշտելով, որ Հայաստանի զինուած ուժերը զինելը զուգադիպութեան արդիւնք չէ՝ զօր. Անաթոլի Սիտորով դիտել տուաւ, որ կազմակերպութեան կառավարման կանոնադրութիւններուն եւ պետութիւններու ղեկավարներուն կողմէ ընդունուած ռազմավարութեան մէջ նշուած է, որ, ՀԱՊԿ-ի ներուժի բարձրացման հիմնական աղբիւրը ազգային զօրախումբերու, ազգային կազմաւորումներու ուժեղացումն է:

«Ուժեղացման յաւելեալ գործօն է նաեւ կազմակերպութեան զօրքերու պատրաստութիւնը ինքնին կովկասեան տարածաշրջանին մէջ: Այս տարի մենք նախատեսած ենք շարք մը գործնական միջոցառումներ, որոնք տեղի պիտի ունենան շրջանին մէջ», եզրափակեց Սիտորով։

LEAVE A REPLY

Please enter your comment!
Please enter your name here