Բանակին Մէջ Տեղի Ունեցող Հարցերուն Լուծումները Շուտով Տեսանելի Պիտի Ըլլան

0
279

ԵՐԵՒԱՆ, «Արմէնփրէս».- Արցախի Հանրապետութեան պաշտպանութեան նախարարութենէն հաղորդեցին, որ բանակի զօրամասերէն մէկուն մէջ, 30 Յունուարին տեղի ունեցած մահուան հանգամանքները պարզելու համար, բանակի հրամանատարին հրամանով կազմուած յանձնաժողովին կողմէ կատարուած է ծառայողական քննութիւն:

Ըստ հաղորդագրութեան՝ քննութեան արդիւնքներուն հիման վրայ, որոշում տրուած է շարք մը աւագ սպաներ, որոնց կարգին՝ զօրամասի հրամանատարի բարոյահոգեբանական ապահովման գծով տեղակալը եւ բաժանմունքի հրամանատարը զօրացրել զինուած ուժերու շարքերէն:

Նոյն գործին ծիրին մէջ, խիստ կարգապահական պատիժներու ենթարկուած են զօրամասի հրամանատարը ու անոր փոխանորդները, իսկ որոշ պաշտօնատարներու պաշտօնները խլուած են իրենցմէ։

«Յաւելենք նաեւ, որ հետաքննութիւնը շարունակւում է եւ տոյժի ենթարկուած տուեալ պաշտօնատար անձիք այդքանով հանդերձ չեն ազատւում հետագայ հնարաւոր քրէական պատասխանատուութիւնից», նշուած է հաղորդագրութեան մէջ։

Այս մասին լրագրողներու հետ ունեցած զրոյցին ընթացքին Ազգային անվտանգութեան խորհուրդի քարտուղար Արմէն Գրիգորեան նշեց, որ ընդհանրապէս բանակին մէջ վերջին շրջանին արձանագրուած մահուան պարագաներուն վերաբերեալ բազմաթիւ քայլեր առնուած են, բայց տակաւին կան տեղեր, ուր անհրաժեշտ արդիւնքին չեն հասած։

«Հարցը մեր օրակարգում է, բոլորիս համար ցանկացած միջադէպ ցաւալի է, նոյնիսկ թեթեւ վնասուածք: Մենք փորձում ենք աշխատանքներ կատարել. բանակում խնդիրների մեծ մասն աւելի լայն հասարակական խնդիրներ են: Քրէական ենթամշակոյթի դէմ պայքարը նաեւ նպատակ ունի բանակում բարեփոխումներին նպաստելու: Այստեղ խնդիրը բարդ է, հնարաւոր չէ մէկ քայլով լուծել, բայց մենք կատարում ենք առաւելագոյնը», յայտնեց ան։

Պատասխանելով այն հարցումին, որ անհանգստացնող չէ՞ այն հանգամանքը, որ բանակի հրամանատարի, ԱԱԾ վարչութեան պետի եւ շարք մը պաշտօնեաներու որդիները մէկ զօրամասի մէջ կը ծառայեն՝ Գրիգորեան դիտել տուաւ, որ հարցը բազմաշերտ է եւ խորքային: «Մենք գնում ենք լուծումների ճանապարհով, ես համոզուած եմ, որ այդ լուծումները շուտով տեսանելի կը լինեն: Բայց այդ խնդիրները մեր օրակարգում են», դիտել տուաւ Գրիգորեան:

LEAVE A REPLY

Please enter your comment!
Please enter your name here