Հայաստանի՝ 2019-ի Ժողովրդագրական Իրավիճակը

0
538
Large crowd of people watching concert or sport event

ԵՐԵՒԱՆ, «Լրագիր».- Վիճակագրական կոմիտէի հրապարակած տուեալներուն համաձայն՝ 2019-ին Հայաստանի մէջ արտագաղթի մնացորդը եղած է -16 հազար, որ վերջին տարիներուն ամէնէն ցած ցուցանիշն է: 2018-ին արտագաղթի մնացորդը եղած էր -18,2 հազար, 2017-ին՝ -24,0 հազար, 2016-ին՝ -24,9 հազար մարդ:

Ասոր զուգահեռ նուազած է Հայաստանի բնական յաւելաճը: Այսպէս, եթէ 2016-ին բնական յաւելաճը եղած էր 12,4 հազար, 2017-ին՝ 10,6 հազար, 2018-ին՝ 10,8 հազար, իսկ 2019-ին անիկա եղած է 9,9 հազար:

2019-ի տարեվերջի դրութեամբ՝ Հայաստանի մնայուն բնակչութեան թիւը եղած է 2 միլիոն 959,2 հազար: Տարեսկիզբին հետ բաղդատելով՝ մնայուն բնակչութեան թիւը նուազած է 6,1 հազարով:

Մնայուն բնակչութեան միջին տարիքը 2019-ի տարեսկիզբի դրութեամբ եղած է 36,7 (2018-ին՝ 36,5) տարեկան, տղամարդոց համար՝ 34,6 (2018-ին՝ 345), իսկ կիներուն՝ 38,5 (2018-ին՝ 38,2): Յունուար-Դեկտեմբեր 2019-ին բնակչութեան կենսունակութեան գործակիցը՝ ծնածներու եւ մահացութեան դէպքերու յարաբերակցութիւնը, եղած է 137,6 տոկոս, 2018 թուականի նոյն ժամանակաշրջանի 142,0 տոկոսին հետ համեմատած:

2019-ին, Հայաստանի մէջ ծնած են 36.131 անձեր, մահացած՝ 26.252, բնական յաւելաճը՝ 9879: Տարուան ընթացքին արձանագրուած են 15.561 ամուսնութիւններ, 3879 ամուսնալուծութիւններ:

LEAVE A REPLY

Please enter your comment!
Please enter your name here