Հայաստան Այցելած Են 1 Միլիոն 894 Հազար 377 Զբօսաշրջիկներ՝ 14 Տոկոսի Աճ Արձանագրելով

0
563

ԵՐԵՒԱՆ, «Արմէնփրէս».- 2019-ին Հայաստան այցելած են 1 միլիոն 894 հազար 377 զբօսաշրջիկներ՝ նախորդ տարուան հետ համեմատած՝ աւելնալով 14,7 տոկոսով։ Այս մասին «Ֆէյսպուք»ի էջին վրայ գրած է վարչապետ Նիկոլ Փաշինեան։

Ըստ անոր՝ այս թիւը 2018-ին հետ բաղդատած՝ աւելի է 242 հազար 595-ով կամ 14,7 տոկոսով, իսկ 2017-ին հետ բաղդատած՝ 399 հազար 598-ով կամ 26,7 տոկոսով:

Ան կը յիշեցնէ, որ Համաշխարհային զբօսաշրջութեան կազմակերպութեան կողմէ կատարուած արժեւորման համաձայն՝ Հայաստան 2019-ին զբօսաշրջութեան ոլորտին մէջ ամէնէն արագ զարգացող ուղղութիւններու շարքին 12-րդ դիրքին վրայ է աշխարհի մէջ: Այսպիսով, ան շրջանցած է Թուրքիան եւ Ատրպէյճանը, իսկ Վրաստան ընդհանրապէս զբօսաշրջութեան առումով զարգացող երկիրներու առաջին 20-ին մէջ չէ։

ԵԱՏՄի երկիրներու շարքին եւս Հայաստան առաջատար է: ԵԱՏՄ երկիրներէն ցանկին մէջ է միայն Ղազախստան, որ սակայն նոյնպէս, ըստ վարչապետին, կը զիջի Հայաստանին՝ արձանագրելով 10 տոկոսի աճ (20-րդ հորիզոնական):

LEAVE A REPLY

Please enter your comment!
Please enter your name here