ՄԱՂԹԱՆՔ ՍՈՒՐԲ ՍԱՐԳԻՍԻ ՏՕՆԻՆ ԱՌԻԹՈՎ

0
300

ԱՀԱՐՈՆ ՇԽՐՏԸՄԵԱՆ

Այսօր  Սուրբ Սարգիս Զօրավարի անուանակոչութեան տօնն է:  Սուրբ Սարգիսի տօնը մեր  բոլորին շատ սպասած  տօներէն  մէկն է :

Երախտապարտ  եմ,  որ  կեանքիս  ընթացքին, վայելած եմ  Սարգիս անունը կրող  անձնաւորութիւններու  օրհնութիւնը, սկսելով  հօրմէս՝ Սարգիս Շխրտըմեան, քենեկալէս՝  Սարգիս  Գաբոյեան,  ՀԲԸՄ-ի Լեւոն Կ. Նազարեան Վարժարանի ուսուցիչներէս՝  Սարգիս  Թաշճեան, Սարգիս Ճինկէօզեան, ՀԲԸՄ-ի Յովակիմեան- Մանուկեան մանչերու երկրորդական վարժարանի անզուգական  ուսուցիչներէս՝ Սարգիս Խայեան, Սարգիս Սէֆէրեան, Սարգիս  Կիւլիզեան:  Յիշատակը անթառամ մեզմէ յաւէտ մեկնողներուն, ծով  առողջութիւն  ողջերուն: Չեմ կրնար  մոռնալ ՀԲԸՄ-ի Լեւոն Կ. Նազարեանի, հետագային՝  Յովակիմեան-Մանուկեան մանչերու  երկրորդական  վարժարանի, Մելգոնեան  Կրթական հասատութեան  եւ հասարակական կեանքի մէջ Սարգիս անունը կրող դասընկերներս, ընկերներս եւ բարեկամներս:

Սուրբ Սարգիսը   երիտասարդներու օրհնութեան  տօն  ըլլալու զուգահեռ, ազգային արժէքներու եւ աւանդութիւններու վերականգնման  մեծ խորհուրդ կը  փոխանցէ մեր  ժողովուրդին:

Սուրբ  Սարգիսի  տօնին առիթով մաղթանքս է, որ  չդառնանք օտարամոլութեան  գերին,  մեր զաւակներուն  փոխանցենք Հայ   եկեղեցւոյ եւ սուրբերուն  դերը, պահպանենք մեր հաւատքը եւ  ազգային աւանդութիւնները:

Եկէք աղօթենք  եւ խնդրենք  Սուրբ Սարգիս Զօրավարին  բարեխօսութիւնը,  յանուն՝ հայկական բանակի  պահպանութեան, հայրենիքի, Լիբանանի, Սուրիոյ  կայունութեան:

Շնորհաւոր  ըլլայ   բոլորիս սիրելի  Սուրբ Սարգիսի  տօնը: Թող Սուրբ Սարգիսը  պահպանէ հայ  ընտանիքները,  սիրող սրտերուն, պարգեւէ  սէր, խաղաղութիւն եւ համերաշխութիւն:

LEAVE A REPLY

Please enter your comment!
Please enter your name here