Հայաստանի մէջ տեղի պիտի ունենայ «Մեծ գործարար կամուրջ» համաշխարհային համաժողովը

0
645
ՀՀ Տնտեսութեան նախարարի տեղակալ Նայիրա Մարգարեան հանդիպում ունեցած է Կառավարման խորհրդատուական հիմնարկներու միջազգային խորհուրդի (ICMCI – International Council of Management Consulting Institutes) հայաստանեան անդամ կառոյցի՝ Կառավարման խորհրդատւութեան Հայաստանի հիմնարկի (IMC Armenia) տնօրէնուհի Սիլվա Մեսրոպեանի հետ։
Հանդիպման նպատակն էր քննարկել Մայիսին Հայաստանի մէջ կայանալիք՝ «Մեծ գործարար կամուրջ» խորագիրը կրող համաշխարհային համաժողովի կազմակերպչական աշխատանքներուն եւ միասնաբար կատարուող գործողութիւններուն ընթացքը։
ՀՀ Տնտեսութեան նախարարութիւնը, իբրեւ ձեռնարկի պաշտօնական գործընկեր, կարեւոր կը համարէ խորհրդատուական հիմնարկի զարգացումը Հայաստանի մէջ։ “Մեր առաջնահերթութիւնների շրջանակներում է բիզնեսի զարգացման համար նպաստաւոր էկոհամակարգի ստեղծումը, ինչի կարեւորագոյն բաղադրիչներից է որակեալ ու արդիական խորհրդատուական ծառայութիւնների առկայութիւնը: Մենք դեռ բաւական աշխատանք ունենք իրականացնելու այս ուղղութեամբ՝ միջազգային փորձը, համատեղ նախագծերն ու այլ երկրներում մեր գործընկերների կողմից ներկայացուող գործիքակազմին ծանօթանալը թերեւս շուկան զարգացնելու լաւագոյն միջոցներից են”, նշած է նախարարի տեղակալ Նայիրա Մարգարեան:
Այս համաժողովի կազմակերպմամբ հետապնդուող նպատակն է Հայաստանի մէջ խթանել խորհրդատուական ծառայութիւններու շուկան՝ հնարաւորութիւն ընձեռելով խորհրդատուական դաշտի եւ գործարար միջավայրի ներկացուցիչներուն աւելի մանրամասն ծանօթանալու գործակցութեան կարելիութիւններուն, միջազգային փորձառութեան ու զարգացումներուն։
Համաժողովին ծիրէն ներս տեղի պիտի ունենայ Ասիական Խաղաղովկիանոսեան հանգոյցի երկիրներու փորձագէտներու հանդիպումը (Asia Pacific Hub Meeting), որ մաս կը կազմէ ICMCI-ի անդամ տարածաշրջանի երկիրներու տարեկան ձեռնարկներուն։
ICMCI-ի անդամ երկիրներն են Աւստրիան, Աւստրալիան, Գերմանիան, Իտալիան, Ճափոնը, Գորէան, Նիտըրլանտները, Ռուսաստանը, ԱՄՆ-ն, Չինաստանը, Շուէտը, Զուիցերիան եւ այլ երկիրներ:
Կառավարման խորհրդատուական հիմնարկներու միջազգային խորհուրդի վերաբերեալ մանրամասն տեղեկատւութիւնը հասանելի է հետեւեալ յղումով՝ www.cmc-global.org ։
Կառավարման խորհրդատւութեան Հայաստանի հիմնարկին վերաբերեալ տեղեկատւութիւնը տե՛ս. Հիմնարկի պաշտօնական կայքէջին՝ www.imc-armenia.org։

LEAVE A REPLY

Please enter your comment!
Please enter your name here