Մամլոյ Համահայկական Համաժողովի Նախապատրաստական Նիստ Երեւանի Մէջ

0
226

11 փետրուարին Երեւանի մէջ տեղի ունեցաւ Հայ մամուլի համահայկական համաժողովի կազմակերպման աշխատանքային խումբ մը անդամներու հանդիպումը, որուն ընթացքին քննարկուեցան համաժողովի նախապատրաստական յանձնախումբի` 29 փետրուարէն 3 մարտին Անթիլիասի մէջ տեղի ունենալիք նիստի օրակարգը:

Աշխատանքային խումբի անդամները` «Արմէնփրես» լրատուական գործակալութեան տնօրէն Արամ Անանեան, «Նոյեան տապան» լրատուական գործակալութեան տնօրէն Տիգրան Յարութիւնեան, Լիբանանի «Ազդակ» օրաթերթի գլխաւոր խմբագիր Շահան Գանտահարեան, «Զարթօնք» թերթի գլխաւոր խմբագիր Սեւակ Յակոբեան, Հայաստանի լրագրողներու միութեան նախագահ, «168 ժամ» թերթի գլխաւոր խմբագիր Սաթիկ Սեյրանեանը` հեռակապով, որոշեցին դիմել շահագրգիռ բոլոր կառոյցներուն եւ նախորդ համաժողովին մասնակից գործընկեր լրատուամիջոցներուն` տեղի ունենալիք յաջորդ համաժողովի օրակարգի եւ ձեւաչափի վերաբերեալ առաջարկներ ու դիտարկումներ ներկայացնելու խնդրանք-առաջարկով:

Լրատուամիջոցներու մեր գործընկերները եւ շահագրգիռ կողմերը իրենց առաջարկները կրնան ներկայացնել [email protected] ելեկտրոնային փոստի հասցէին մինչեւ 28 փետրուար 2020:

LEAVE A REPLY

Please enter your comment!
Please enter your name here