Զաւեշտական Եւ Հետաքրքրական` «Չմօտենա՛ք Ինծի, Տիկի՛ն»

0
2524

Համազգայինի «Գասպար Իփէկեան» թատերախումբը` Յակոբ Տէր Ղուկասեանի բեմադրութեամբ, չորեքշաբթի, 12 փետրուարին, երեկոյեան ժամը 8:30-ին, «Յակոբ Տէր Մելքոնեան» սրահին մէջ ներկայացուց Հայկ Յակոբեանի «Չմօտենա՛ք ինծի, տիկի՛ն» թատրերգութիւնը` արաբերէնով:

Սրահը լեցուն էր արաբ եւ հայ թատերասէրներով, որոնք անհամբեր կը սպասէին երկու դերասաններու` Սենտի Ղազարեանի ու Նժդեհ Մկրտիչեանի հետաքրքրական խաղարկումը:

Վարագոյրը բացուելէն ետք, կնկաբոյժ տոքթ. Համբիկը, որ հայ ծագումով տեղացի բժիշկ մըն էր, պատահականօրէն կը յայտնուի տան մը մէջ, ուր կը փորձէ վերջ տալ իր դժբախտ կեանքին, սակայն ճակատագիրը զինք դէմ յանդիման դնելով Ղազարեանի կերպարին հետ` նոր ծալքեր կը բացուին, եւ նիւթը զարգացում կը ստանայ զաւեշտական եւ կատակերգական դարձուածքներով:

Զոյգ դերասաններու ճկուն եւ հրապուրիչ խաղարկութիւնը գրաւեցին հանդիսատեսին ուշադրութիւնը եւ ժպիտով զարդարեցին ներկաներուն դէմքերը:

Արժէ յիշել, որ թատրերգութիւնը տեղի պիտի ունենայ այսօր եւս` հինգշաբթի, 13 փետրուար 2020-ին, երեկոյեան ժամը 8:30-ին, «Յ. Տէր Մելքոնեան» թատերասրահին մէջ:

LEAVE A REPLY

Please enter your comment!
Please enter your name here