Թուրքիա Կը Պահէ Ցեղասպանութեան Մասին Պատմող Հեռագիրները. Աքչամ

0
340

ԵՐԵՒԱՆ, «Եռագոյն».- «Թուրքիա դիտաւորեալ կերպով կը պահէ Հայոց Ցեղասպանութեան մասին փաստերը, «Ատապիա» կայանին հետ հարցազրոյցի մը ընթացքին ըսաւ այլախոհ պատմաբան Թաներ Աքչամ:

Ըստ անոր՝ Թուրքիոյ կառավարութիւնը կը փորձէ պահել յատկապէս այն հեռագիրները, որոնք օգտագործուած էին 1919-ի Պոլսոյ ռազմական դատավարութեան ընթացքին, երբ դատուած էին Ցեղասպանութեան դահիճներուն մէկ մասը:

Ռազմական դատավարութեան ատեն, ըստ Աքչամի, այդ հեռագիրներէն մէջբերումներու հիման վրայ պետական դատախազները մեղադրական որոշումներ արձակած էին։

Աքչամ կը նշէ, որ փաստաթուղթերէն մաս մը գտած է ոչ թէ անհատներու մօտ, այլ՝ պետական արխիւներու մէջ: Պատմաբանը կ՛աւելցնէ, որ Թուրքիոյ մէջ կան քաղաքացիական գործիչներ, որոնք կը պայքարին Հայոց Ցեղասպանութեան ճանաչման համար՝ ժողովրդավարութեան եւ մարդկային իրաւունքներու համար պայքարի հարցով իրենց ջանքերու ծիրին մէջ:

LEAVE A REPLY

Please enter your comment!
Please enter your name here