Աշխարհը Չի Սիրեր Թրամփը Եւ Անոր Քաղաքականութիւնը` Ըստ «Փիու» Հետազօտական Կեդրոնին

0
265

ՅԱՐՈՒԹ ՍԱՍՈՒՆԵԱՆ
«Քալիֆորնիա Քուրիըր» թերթի
հրատարակիչ եւ խմբագիր

«Փիու» հետազօտական կեդրոնի (Pew Research Center) հրապարակած ուսումնասիրութիւնը ցոյց կու տայ, որ աշխարհի վրայ շատեր հաւանութիւն չեն տար նախագահ Տանըլտ Թրամփի արտաքին քաղաքականութեան: Ասիկա զարմանալի յայտնագործութիւն մը չէ, բայց ասիկա  ամբողջութեամբ կը հակասէ նախագահին կատարած պնդումներուն` իր ուռճացուած նուաճումներուն մասին:

Նոյնիսկ ընտրուելէն իսկ առաջ նախագահութեան թեկնածու Թրամփ բազմիցս յայտարարած է, որ նախագահ Պարաք Օպամա յարգանք չէր վայելեր մնացած աշխարհին մէջ, եւ որ ինք, որպէս նախագահ, կը վերականգնէ Միացեալ Նահանգներու նկատմամբ օտար երկիրներու յարգանքը:

Հաշուի առնելով Թրամփի բազմաթիւ չափազանցութիւններն ու բացայայտ սուտերը, ոչ ոքի պէտք է զարմացնէ անոր պնդումներուն կեղծ ըլլալը: Փաստը այն է, որ իր նախորդը` Պարաք Օպամա, շատ յարգուած էր ամբողջ աշխարհի մէջ, եւ, ընդհակառակն, Թրամփ մարդոց  մեծամասնութեան կողմէ դարձած է ծաղրանքի առարկայ Միացեալ Նահանգներու մէջ եւ անոր սահմաններէն դուրս, բացառութեամբ` Թուրքիոյ, Հիւսիսային Քորէայի, Ռուսիոյ եւ Սէուտական Արաբիոյ բռնակալ ղեկավարներուն:

Եկէք ու տեսնենք իրական թիւերը` «Փիու» հետազօտական կեդրոնի տուեալներուն հիման վրայ: Հետազօտուած 33 երկիրներու մէջ, միջին հաշուով, մարդոց միայն 18 տոկոսն է յայտարարած, որ դրական կը  համարէ Թրամփի արտաքին քաղաքականութիւնը: Զարմանալի չէ, որ Թրամփի արտաքին քաղաքականութեան ամէնէն բարձր վարկանիշը եղած է իսրայէլացիներու շրջանին մէջ (55 տոկոս), մինչդեռ 32 տոկոսը հաւանութիւն չէ տուած, իսկ 13 տոկոսը նշած է` «Ոչ մէկ տարբերութիւն»:

Հետեւեալ երկիրները, նուազման կարգով, արտայայտած են իրենց հաւանութեան աստիճանը նախագահ Թրամփի արտաքին քաղաքականութեան նկատմամբ`  Լեհաստան (34 տոկոս), Հունգարիա (31 տոկոս), Ուքրանիա (29 տոկոս), Նիկերիա (29 տոկոս), Հնդկաստան (27 տոկոս), Քենիա (25 տոկոս), Հարաւային Ափրիկէ (25 տոկոս), Սլովաքիա (24 տոկոս), Աւստրալիա (24 տոկոս), Լիթվա (22 տոկոս), Չեխիա (22 տոկոս), Ֆիլիփփիններ (21 տոկոս), Ինտոնեզիա (19 տոկոս), Յունաստան (19 տոկոս), Պուլկարիա (18 տոկոս), Լիբանան (18 տոկոս), Մեծն Բրիտանիա (18 տոկոս), Իտալիա (17 տոկոս), Ճափոն (17 տոկոս), Հարաւային Քորէա (16 տոկոս), Քանատա (16 տոկոս), Ռուսիա (14 տոկոս), Հոլանտա (11 տոկոս), Շուէտ (11  տոկոս), Արժանթին (10 տոկոս), Թունուզ (9 տոկոս), Մեքսիքա` (9 տոկոս), Թուրքիա (9 տոկոս), Ֆրանսա (9 տոկոս), Պրազիլ (8 տոկոս), Սպանիա (7 տոկոս) եւ Գերմանիա (6 տոկոս): Միացեալ Նահանգներու մէջ Թրամփի արտաքին քաղաքականութեան հաւանութեան վարկանիշը կազմած է 37 տոկոս: Մտահոգիչ է այն փաստը, որ ամէնէն ցած վարկանիշներէն մէկ քանին ՕԹԱՆ-ի դաշնակիցներու շրջանէն էին: Վարկանիշները շատ ցած էին նաեւ դրացի երկիրներուն` Քանատայի եւ Մեքսիքայի մէջ:

Հետազօտուած 33 երկիրներու մէջ քաղաքականութեան առանձին խնդիրներու վերաբերեալ հարցման պատասխանները, միջին հաշուով, ցոյց կու տան հետեւեալ վարկանիշները.

– Միացեալ Նահանգներու կողմէ այլ երկիրներէ ներմուծուող ապրանքներու գիներու կամ  վճարներու բարձրացումը. 18 տոկոսը հաւանութիւն կու տայ, 68 տոկոսը հաւանութիւն չի տար:

– Միացեալ Նահանգներուն դուրս գալը կլիմայի փոփոխութեան միջազգային համաձայնագիրներէն. 14 տոկոսը հաւանութիւն կու տայ, 66 տոկոսը հաւանութիւն չի տար:

– Միացեալ Նահանգներու եւ Մեքսիքայի միջեւ սահմանի վրայ պատի կառուցումը. 24 տոկոսը հաւանութիւն կու տայ, 60 տոկոսը հաւանութիւն չի տար:

– Միացեալ Նահանգներու աւելի քիչ ներգաղթողներու մուտքի թոյլտուութիւնը. 34 տոկոսը հաւանութիւն կու տայ, 55 տոկոսը հաւանութիւն չի տար:

– Միացեալ Նահանգներու դուրս գալը Իրանի միջուկային զէնքի համաձայնագիրէն. 29 տոկոսը հաւանութիւն կու տայ, 52 տոկոսը հաւանութիւն չի տար:

– Միացեալ Նահանգներու բանակցութիւնները Հիւսիսային Քորէայի առաջնորդ Քիմ Չեն Ընի հետ` երկրի միջուկային զէնքի ծրագիրին վերաբերեալ. 41 տոկոսը հաւանութիւն կու տայ, 36 տոկոսը հաւանութիւն չի տար:

Ինչ կը վերաբերի այն յարգանքին, որ Միացեալ Նահանգներու ներկայ եւ նախկին երկու նախագահները` Թրամփ (2017-2019), ՃորՃ Պուշ (2001-2008) եւ Պարաք Օպամա (2009-2016) վայելած են ամբողջ աշխարհի մէջ, «Փիու» հետազօտական կեդրոնը պարզած է, որ ուսումնասիրուած 33 երկիրներէ մարդոց շրջանին մէջ Օպամա շատ աւելի բարձր դասուած է, քան` Պուշ եւ Թրամփ: Ահա երեք նախագահներու դասակարգումը իրենց նախագահութեան տարբեր տարիներուն` ամէնէն ցած եւ ամէնէն բարձր գնահատականներով.

Քանատա. Պուշ (28 տոկոս-59 տոկոս), Օպամա (76 տոկոս-88 տոկոս), Թրամփ (22 տոկոս-28 տոկոս):

Ֆրանսա. Պուշ (12 տոկոս-25 տոկոս), Օպամա (83 տոկոս-91 տոկոս), Թրամփ (9 տոկոս-20 տոկոս):

Գերմանիա. Պուշ (14 տոկոս-51 տոկոս), Օպամա (71 տոկոս-93 տոկոս), Թրամփ (10 տոկոս-13 տոկոս):

Յունաստան. Պուշ (չէ տրամադրուած), Օպամա (27 տոկոս-41 տոկոս), Թրամփ (17 տոկոս-25 տոկոս):

Իտալիա. Պուշ (30 տոկոս-43 տոկոս), Օպամա (68 տոկոս-77 տոկոս), Թրամփ (25 տոկոս-32 տոկոս):

Հոլանտա. Պուշ (39 տոկոս), Օպամա (92 տոկոս), Թրամփ (17 տոկոս-25 տոկոս):

Սպանիա. Պուշ (7 տոկոս-26 տոկոս), Օպամա (54 տոկոս-75 տոկոս), Թրամփ (7 տոկոս-21 տոկոս):

Շուէտ. Պուշ (21 տոկոս), Օպամա (93 տոկոս), Թրամփ (10 տոկոս-18 տոկոս):

Մեծն Բրիտանիա. Պուշ (16 տոկոս-51 տոկոս), Օպամա (72 տոկոս-86 տոկոս), Թրամփ (22 տոկոս-32 տոկոս):

Պուլկարիա. Պուշ (27 տոկոս), Օպամա (չէ տրամադրուած), Թրամփ (26 տոկոս):

Չեխիա. Պուշ (36 տոկոս), Օպամա (75 տոկոս-77 տոկոս), Թրամփ (28 տոկոս):

Հունգարիա. Պուշ (չէ տրամադրուած), Օպամա (58 տոկոս), Թրամփ (29 տոկոս-33 տոկոս):

Լեհաստան. Պուշ (29-47 տոկոս), Օպամա (49 տոկոս-64 տոկոս), Թրամփ (23 տոկոս-51 տոկոս):

Սլովաքիա. Պուշ (21 տոկոս), Օպամա (չէ տրամադրուած), Թրամփ (34 տոկոս):

Ռուսիա. Պուշ (8 տոկոս-28 տոկոս), Օպամա (11 տոկոս-41 տոկոս), Թրամփ (20 տոկոս-53 տոկոս):

Ուքրանիա. Պուշ (19 տոկոս), Օպամա (11 տոկոս-41 տոկոս), Թրամփ (44 տոկոս):

Աւստրալիա. Պուշ (23 տոկոս-59 տոկոս), Օպամա (77 տոկոս-84 տոկոս), Թրամփ (29 տոկոս-35 տոկոս):

Հնդկաստան. Պուշ (չէ տրամադրուած), Օպամա (48 տոկոս-74 տոկոս), Թրամփ (40 տոկոս-56 տոկոս):

Ինտոնեզիա. Պուշ (14 տոկոս-23 տոկոս), Օպամա (53 տոկոս-71 տոկոս), Թրամփ (23 տոկոս-30 տոկոս):

Ճափոն. Պուշ (25 տոկոս-35 տոկոս), Օպամա (60 տոկոս-85 տոկոս), Թրամփ (24 տոկոս-36 տոկոս):

Ֆիլիփփիններ. Պուշ (չէ տրամադրուած), Օպամա (84 տոկոս-94 տոկոս), Թրամփ (69 տոկոս-78 տոկոս):

Հարաւային Քորէա. Պուշ (22 տոկոս-36 տոկոս), Օպամա (75 տոկոս-88 տոկոս), Թրամփ (17 տոկոս-46 տոկոս):

Իսրայէլ. Պուշ (57 տոկոս-83 տոկոս), Օպամա (49 տոկոս-71 տոկոս), Թրամփ (56 տոկոս-71 տոկոս):

Լիբանան. Պուշ (17 տոկոս-34 տոկոս), Օպամա (35 տոկոս-46 տոկոս), Թրամփ (15 տոկոս-23 տոկոս):

Թունուզ. Պուշ (չէ տրամադրուած), Օպամա (24 տոկոս-28 տոկոս), Թրամփ (12 տոկոս-18 տոկոս):

Թուրքիա. Պուշ (2 տոկոս-8 տոկոս), Օպամա (12 տոկոս-45 տոկոս), Թրամփ (11 տոկոս):

Քենիա. Պուշ (72 տոկոս), Օպամա (78 տոկոս-95 տոկոս), Թրամփ (51 տոկոս-65 տոկոս):

Նիկերիա. Պուշ (չէ տրամադրուած), Օպամա (53 տոկոս-84 տոկոս), Թրամփ (58 տոկոս-59 տոկոս):

Հարաւային Ափրիկէ. Պուշ (32 տոկոս), Օպամա (72 տոկոս-77 տոկոս), Թրամփ (39 տոկոս-42 տոկոս):

Արժանթին. Պուշ (5 տոկոս-7 տոկոս), Օպամա (31 տոկոս-61 տոկոս), Թրամփ (11 տոկոս-22 տոկոս):

Պրազիլ. Պուշ (չէ տրամադրուած), Օպամա (52 տոկոս-69 տոկոս), Թրամփ (14 տոկոս-28 տոկոս):

Մեքսիքա. Պուշ (16 տոկոս-28 տոկոս), Օպամա (38 տոկոս-55 տոկոս), Թրամփ (5 տոկոս-8 տոկոս):

Վերջապէս, «Փիու» հետազօտական կեդրոնի կողմէ 33 երկիրներու մէջ տեղի ունեցած  հետազօտութեամբ նախագահ Թրամփ աշխարհի միւս մեծ առաջնորդներու համեմատութեամբ երրորդ տեղը կը գրաւէ` զիջելով Ֆրանսայի նախագահ Էմանուէլ Մաքրոնի, Գերմանիոյ վարչապետ Անկելա Մերքելի եւ նոյնիսկ Ռուսիոյ նախագահ Վլատիմիր Փութինի, սակայն մէկ կէտով գերազանցած է Չինաստանի նախագահ Սի Ցզինփինի:

Յաջորդ անգամ, երբ Թրամփ ինքնապարծենայ, թէ ինչպէ՛ս զինք կը յարգեն ամբողջ աշխարհի մէջ ի տարբերութիւն նախագահ Օպամայի, կրնաք ժպտիլ եւ ըսել դուք ձեզի` ահա եւ մէկ կեղծիք եւս…

Արեւելահայերէնի թարգմանեց`
ՌՈՒԶԱՆՆԱ ԱՒԱԳԵԱՆ

Արեւմտահայերէնի վերածեց`
ՍԵԴԱ ԳՐԻԳՈՐԵԱՆ

LEAVE A REPLY

Please enter your comment!
Please enter your name here