«Եթէ Փաշինեանը Ժամանակ Ունի Գիրք Բաժանելու, Թող Մեզ Էլ Ընդունի»

0
470

ԵՐԵՒԱՆ, «Փանորամա».- Բանակին մէջ տարբեր տարիներուն խաղաղ պայմաններու մէջ մահացած զինուորներուն սեւազգեստ մայրերը 20 Փետրուարին եւս հաւաքուեցան կառավարութեան շէնքին դիմաց՝ պահանջելով իրենց որդիներու մահուան գործերով արդար քննութիւն իրականացնել։

Նիկոլ Փաշինեանի հետ հանդիպելու ակնկալիքով համախմբուած մայրերուն հետ հանդիպում ունեցաւ օրէնսդիր մարմինի փոխնախագահ Ալէն Սիմոնեան։

Մահացած զինուորներուն մայրերը պնդեցին, որ եթէ իրենց որդիներուն մահուան մեղաւորները պատժուէին բանակին մէջ վերջին զոհերը չէին արձանագրուեր։

«Ինչքա՞ն սպասենք, ցեղասպանութիւն է։ Թող չասեն՝ դժբախտ պատահար է, հիւանդութիւն է, դրանք էլ են բանակի խնդիրը։ Մենք պահանջում ենք պարոն Փաշինեանը մեզ ընդունի, մենք պիտի լրիւ լուրջ ձեւով խօսենք իր հետ, ըսենց շարունակուել չի կարող։ Ինչքա՞ն պիտի մենք անտարբերութեան մատնուած լինենք։ Այս երեխաները հաւի ճուտ չեն։ Այսօր Փաշինեանը մեզ արհամարհում է, թող Շաբաթ լինի, Կիրակի լինի, գիշեր լինի, եթէ ժամանակ ունի, կարա գիրք բաժանի, թող մեզ էլ ընդունի, սա գրքից կարեւոր է, զինուորը գրքից կարեւոր է», ըսին որդի կորսնցուցած մայրերը։

Ալէն Սիմոնեան խոստացաւ փոխանցել անոնց պահանջը։

LEAVE A REPLY

Please enter your comment!
Please enter your name here