2019-ին ՀՆԱ-ի Աճը Եղած Է 7,6 Տոկոս

0
477

ԵՐԵՒԱՆ, «Սիվիլնեթ».- Հայաստանի մէջ, 2019-ին, Համախառն ներքին արտադրութեան աճը եղած է 7,6 տոկոս։ Այս մասին կառավարութեան նիստին յայտարարեց վարչապետ Նիկոլ Փաշինեան:

Ան նշեց, որ այդ ցուցանիշը ամէնէն բարձրն է 2008-էն ի վեր՝ աւելցնելով. «Վստահ եմ, որ ընթացիկ տարում կ՛արձանագրենք աւելի բարձր տնտեսական աճ»։

Ըստ պաշտօնական տուեալներուն՝ 2019-ին, տարեկան տնտեսական աշխուժութեան ցուցանիշը (ՏԱՑ) եղած է 7,8 տոկոս: Վարչապետ Փաշինեան շաբաթներ առաջ, հրապարակելով այս ցուցանիշը՝ յայտնած էր, թէ յոյս ունի, որ տարուան ընթացքին ՀՆԱի աճը պիտի ըլլայ 8 տոկոս:

Ըստ Վիճակագրական կոմիտէին՝ անցեալ տարի աճ արձանագրուած է հետեւեալ ոլորտներուն մէջ.

– Արդիւնաբերական արտադրանքի ծաւալը՝ 9 տոկոսով

– Շինարարութեան ծաւալը՝ 4,6 տոկոսով

– Առեւտուրի շրջանառութիւնը՝ 8,9 տոկոսով

– Ծառայութիւններու ծաւալը՝ 15 տոկոսով

– Ներածումը՝ 10,8 տոկոսով

– Արտածումը՝ 9,4 տոկոսով:

Գիւղատնտեսութեան համախառն արտադրանքի ծաւալը նուազած է 4,2 տոկոսով։

LEAVE A REPLY

Please enter your comment!
Please enter your name here