ԼԻԲԱՆԱՆԵԱՆ ՎԵՑ ԱԿՈՒՄԲՆԵՐՈՒ 125 ՄԱՐԶԻԿՆԵՐ ՄԱՍՆԱԿՑԵՑԱՆ ՀԵԸ ԱՆԴՐԱՆԻԿԻ ԿԱԶՄԱԿԵՐՊԱԾ ԹԵՔՈՒԱՆՏՈՅԻ ՄՐՑԱՇԱՐՔԻՆ

0
798

Շաբաթ, 29 Փետրուար  2020-ին, լիբանանեան վեց հանրածանօթ ակումբներու, վեց տարեկանը բոլորած, տարբեր կարգի ծանրութիւններու, 125 մարզիկներու մասնակցութեամբ, ՀԲԸՄ-ի Տեմիրճեան  կեդրոնին մէջ տեղի ունեցաւ  ՀԵԸ  Անդրանիկի  թեքուանտոյի Կապոյտ եւ Կարմիր գօտիներու տարեկան մրցաշարքը:

Մրցաշարքը  ընթացաւ Լիբանանի  թեքուանտոյի  ֆետերասիոնին  լիազօրութիւնը վայելող իրաւարարներ՝  Ժորժ  Ղալէպի, Ղայէլ Հոպէյքայի,  Ռոտինա Շահինի, Միշէլ  Սաատէի, Սառա  Լին Թանիուսի եւ Սուհա  Ղազիի հսկողութեան տակ: Մրցաշարքը  տեղի կ’ունենար  «Կրենտմեսթըր»  Պասեմ Աատի, օգնականներ՝ «մասթեր»  Ճուլի Տիպի, Քոզէթ Պասպուսի եւ  մարզիչներ՝  Փաւել Հատտատի,  Նարեկ Պուլտուքեանի, Թոնի Սաուպի, Էլիաս Սալիպայի,  Ժան Փօլ  Քըֆուրիի եւ Շարպէլ Ժումաայի կազմակերպութեամբ:  Մրցումներուն հետեւեցան  մեծ թիւով ներկաներ, ծնողներ:

ՀԵԸ-ի Կեդրոնական Վարչութեան ատենապետ Վիգէն Չերչեան  շնորհաւորեց մրցաշարքը  յաղթող մարզիկները եւ յանձնեց  մետալները:

ՀԵԸ-Ի ՄԱՄԼՈՅ ԵՒ  ՏԵՂԵԿԱՏՈՒԱԿԱՆ ԳՐԱՍԵՆԵԱԿ

LEAVE A REPLY

Please enter your comment!
Please enter your name here