Ուրֆացի Հաղորդավարը Օտարներուն Թուրքիայէն Հեռացումը Կը Պահանջէ

0
361

ԵՐԵՒԱՆ, «Էրմենիհապեր».- Իտլիպի հարցով զարգացումները պատճառ դարձան նաեւ, որ կարգ մը շրջանակներ եւ անհատներ շահարկութեան նիւթ դարձնեն սպաննուած թուրք զինուորներուն հարցը եւ հակազդեցութիւն ցոյց տան այն մարդոց հանդէպ, որոնք դէմ են Իտլիպի մէջ թրքական զինեալ ուժերու ներկայութեան։ Ինչպէս գրեթէ միշտ կը պատահի, այս անգամ եւս հայերը անմասն չմնացին եւ իրենց բաժինը ստացան այսպիսի հակազդեցութիւններէ։ Այսպէս, Ուրֆայի մէջ սփռում կատարող տեղական կայանի մը հաղորդավարը, անդրադառնալով Իտլիպի մէջ «Գարնանային վահան» գործողութեան՝ ըսաւ. «Այս հայրենիքը մերն է, այս պետութիւնը մերն է, այս դրօշակը մերն է։ Մենք կը սիրենք մեր հայրենիքը, պետութիւնը եւ մեր հողը։ Որովհետեւ գաղթականներու համար սահմանի դռները բացուած են, կ՛ուզեմ ես ալ կոչ մը ուղղել։ Հաւանաբար կան մարդիկ, որոնք կ՛ըսեն, թէ այս երկիրը, այս հայրենիքը, այս հողը, այս ժողովուրդը ինծի չի պատկանիր, ես ի՞նչ գործ ունիմ հոս։ Ահաւասիկ առիթ ունիք։ Կրնաք գաղթականներուն միանալ եւ սահմանը անցնելով՝ կորսուիլ երթալ այս հողերէն։ Դուք այդ իրաւունքը ունիք։ Կը կարծեմ, որ հոն դիւրութիւններ կ՛ընծայեն ձեզի։ Հոն կրնաք ըսել, որ դուք այս հայրենիքին զաւակը չէք, դուք ռուսի թոռ էք, գերմանացիի զաւակ էք, անգլիացիի թոռ էք, հայու բիճ էք։ Եթէ այդպէս ըսէք, ուրեմն սահմանին դուռը ձեզի կը սպասէ, խնդրեմ կորսուեցէք ու գացէք այս երկրէն։ Մենք մեզի կը բաւենք»։

LEAVE A REPLY

Please enter your comment!
Please enter your name here