Իտլիպը Ահաբեկիչներէն Ազատագրելէ Ետք Սուրիոյ Արեւելքը Պիտի Ազատագրենք. Ասատ

0
301

ԴԱՄԱՍԿՈՍ.- Սուրիոյ նախագահ Պաշշար Ասատ «Ռոսիա 24» պատկերասփիւռի կայանին հետ հարցազրոյցի մը ընթացքին յայտնեց, որ Թուրքիոյ հետ գոյութիւն ունին կենցաղային հասարակաց շահեր եւ քաղաքակրթութիւններու միջեւ պատմական համընկնում՝ նշելով, որ տրամաբանական չէ, որ երկու երկիրներուն միջեւ տարակարծութիւններ ըլլան:

«Անոր մասին եղբայրական ժողովուրդ կ՛ըսէինք, եւ այժմ թուրք ժողովուրդին կը հարցնեմ, ի՞նչ է Սուրիոյ հետ ձեր հարցը, եւ ի՞նչ է այն դատը, որուն համար արժանի է, որ զոհուի թուրք քաղաքացին: Ի՞նչ է այն թշնամական փոքր կամ մեծ արարքը, որ Սուրիան պատերազմի ընթացքին կամ պատերազմէն առաջ գործեց Թուրքիոյ դէմ: Բացարձակապէս գոյութիւն չունի», նշեց Ասատ:

Սուրիոյ նախագահը նաեւ յայտնեց. «Միացեալ Նահանգներն է, որ Թուրքիան Իտլիպի մէջ մագլցումի մղեց» եւ աւելցուց. «Իտլիպը ահաբեկիչներէն ազատագրելէ ետք Սուրիոյ արեւելքը պիտի ազատագրենք»։

LEAVE A REPLY

Please enter your comment!
Please enter your name here