Յայտնաբերուած է Ղեւոնդ Ալիշանի՝ Սուրբ Ղազարի մէջ ցուցադրուած թուրին 5000-ամեայ բնոյթը

0
391

ՎԵՆԵՏԻԿ

Յայտնաբերուած է Վենետիկի Մխիթարեաններու Սուրբ Ղազար կղզիի թանգարանի միջնադարեան հաւաքածոյին մաս կազմող թուրին 5000-ամեայ բնոյթը։ Ան պատկանած է Ղեւոնդ Ալիշանին։

Հազուագիւտ այս թուրը աշխարհի ամենահին զէնքերուն չի նմանիր: Ան պատրաստուած է Ք.ա. շուրջ 3000 թուականին եւ բերուած է Վենետիկ պատմական Հայաստանէն՝ ժամանակակից Թուրքիոյ արեւելեան հատուածէն:

Թուրին պատկառելի հնութիւնը յայտնաբերած է Գա՚Ֆոսքարի համալսարանէն դոկտորութեան թեկնածու, հին զէնքերու մասնագէտ Վիթորիա Տալ՚Արմելինա, իր աւարտաճառի աշխատանքներու շրջանակին մէջ: Տալ՚Արմելինա անմիջապէս նկատած է, որ ցուցադրուող զէնքը չի նմանիր միջնադարեաններուն, այլ նման է շատ աւելի հիներուն, որոնց ինք հանդիպած էր իր հետազօտութիւններու ընթացքին։

Այս յայտնաբերումէն ետք թուրը հանուած է ցուցափեղկէն՝ վերլուծութեան համար, պատրաստութեան ճշգրիտ ժամանակաշրջանը պարզելու նպատակով:

Մասնագէտներու կարծիքով՝ թուրը Վենետիկ բերուած է Տրապիզոնէն: Այս մասին կը վկայէ նաեւ թուրին ընկերացող թուղթը, որուն վրայ հայերէն գրուած է, որ ան պատկանած է Ղեւոնդ Ալիշանին, որ վախճանած  է Վենետիկի մէջ 1901-ին:

 

LEAVE A REPLY

Please enter your comment!
Please enter your name here