Մահ` «Լը Մոնտ»-ի Հանրածանօթ Լրագրող Ժան Կեռասի (Հայկ Քիրազեան)

0
360

21 Փետրուարին Գահիրէի մէջ իր մահկանացուն կնքած է «Լը Մոնտ» օրաթերթի հանրածանօթ լրագրող, Միջին Արեւելքի մասնագէտ Ժան Կեռաս (Jean Gueyras), բուն անունով` Հայկ Քիրազեան:

1966-էն AFP-ի եւ «Լը Մոնտ»-ի համար տողավարձով լրագրութիւն ընելէ ետք, 1971-ին պաշտօնապէս միացած է «Լը Մոնտ»-ի խմբագրական կազմին: Ամբողջ 25 տարի Միջին Արեւելքի բոլոր ճակատներէն լուսաբանումներ կատարած է ֆրանսական հեղինակաւոր այս օրաթերթին համար:

Ծնած էր 1925-ին, Գահիրէ: Կը տիրապետէր ֆրանսերէն, անգլերէն, արաբերէն եւ հայերէն լեզուներուն: «Քիր», ինչպէս սովոր էին զինք անուանել իր գործընկերները, տասնամեակներու ընթացքին` ըլլայ դէպքերուն վայրերէն, ըլլայ Փարիզէն, ամենայն բծախնդրութեամբ լուսաբանած է կարեւորագոյն իրադարձութիւնները` Նասըրի մահէն` իսրայէլ-պաղեստինեան կռիւներն ու բանակցութիւնները, անցնելով Եմէնի քաղաքացիական պատերազմներէն, Լիբանանի պատերազմէն, Իրանի յեղափոխութենէն, իսլամութեան քաղաքականացումէն…

Հայկ Քիրազեան 1991-ին հանգստեան կոչուելէ ետք ալ աշխատակցած է «Լը Մոնտ Տիփլոմաթիք»- ին:

LEAVE A REPLY

Please enter your comment!
Please enter your name here