Մարտական Հերթափոխութեան Գացող Զինուորները Բժշկական Քննութեան Կ՛ենթարկուին

0
351

ԵՐԵՒԱՆ, «Արմէնփրէս».- Հայաստանի զինուած ուժերը «Քորոնա» ժահրի վարակին ներթափանցումը կանխելու եւ զինուորները վարակէ պաշտպանելու համար կը շարունակէ կանխարգելիչ քայլեր առնել։ Այս մասին յայտնեցին պաշտպանութեան նախարարութեան տեղեկատուութեան եւ հասարակութեան հետ կապերու վարչութենէն։

Զօրամասերուն մէջ կը կատարուին ախտահանիչ գործողութիւններ: Մարտական հերթափոխի մեկնող զինուորները կ՛ենթարկուին պարտադիր բժշկական զննումի, անոնց կը տրամադրուին ախտահանիչ միջոցներ: Կը հականեխուին նաեւ մարտական հերթապահութեան մէջ ներգրաւուած ռազմական համակարգը եւ սպառազինութիւնը։

Հայաստանի բանակին մէջ «Քորոնա» ժահրով վարակման դէպք չէ արձանագրուած. կը ձեռնարկուին հակահամաճարակային անհրաժեշտ բոլոր միջոցառումներուն՝ բանակը ժահրի ներթափանցումէն զերծ պահելու համար:

LEAVE A REPLY

Please enter your comment!
Please enter your name here