Չինաստան Պատրաստ Է Հայաստանին Տրամադրելու Բժշկական Յատուկ Զգեստներ Եւ Թոքերու Յատուկ Սարքեր

0
228

ԵՐԵՒԱՆ, «Արմէնփրէս».- 23 մարտին, Հայաստանի արտաքին գործոց փոխնախարար Աւետ Ադոնց հեռաձայնային քննարկում ունեցաւ Հայաստանի մէջ Չինաստանի դեսպան Թիեն Ըրլունի հետ, որ նշեց, թէ Չինաստան պատրաստ է Հայաստանին անհատոյց տրամադրելու բժշկական յատուկ զգեստներ եւ թոքերու արհեստական օդափոխութեան սարքեր՝ 110.000 տոլար արժողութեամբ:

Կողմերը անդրադարձան Հայաստանի եւ Չինաստանի մէջ «Քորոնա» ժահրի համաճարակի իրավիճակին եւ տեղեկատուութիւն փոխանակեցին այս ուղղութեամբ երկու երկիրներու կառավարութիւններուն կողմէ ձեռնարկուող քայլերուն մասին։

Փոխնախարարը բարձր գնահատեց այն փաստը, որ չինական կողմը շարունակաբար Հայաստանի հետ կը բաժնեկցի «Քորոնա» ժահրին դէմ պայքարի եւ կանխարգիլման միջոցառումներու իր լաւագոյն փորձառութիւնը:

LEAVE A REPLY

Please enter your comment!
Please enter your name here