Հայաստանի Եւ Վրաստանի Վարչապետները Պիտի Քննարկեն Բեռնափոխադրութիւններու Հարցը

0
187

ԵՐԵՒԱՆ, «Սիվիլնեթ».- Ազգային ժողովին մէջ, կառավարութեան հետ հարցում-պատասխանի ընթացքին հարցում ուղղուեցաւ Վերին Լարսի անցակէտին վրայ բեռնափոխադրութեան դժուարութիւններուն եւ հերթերուն մասին։ Փոխվարչապետ Տիգրան Աւինեան նշեց, որ ներկայ դրութեամբ՝ բեռնափոխադրութիւններու վերաբերեալ հարցեր կան թէ՛ Լարսի եւ թէ Բագրատաշէնի մէջ։

Ան նախատեսեց, որ այս հարցին լուծման նպատակով հեռաձայնային զրոյց ունենան Հայաստանի եւ Վրաստանի վարչապետները, որպէսզի սերտեն, թէ ինչպէ՛ս կարելի է արագ լուծումներ գտնել թէ՛ Հայաստան-Վրաստան սահմանին, թէ՛Վրաստանի մէջ եւ թէ Լարսի անցակէտին վրայ հայ բեռնափոխադրողներուն դիմագրաւած դժուարութիւններուն։

Ըստ Աւինեանի՝ մեկուսացման զանազան գօտիներուն պատճառով գործընթացը դանդաղած է: «Կարծում եմ՝ մենք մօտակայ ժամանակներս յստակ կարգաւորումներ պէտք է մտածենք, պայմանաւորուենք, խաղի կանոններ սահմանենք, որպէսզի բեռնափոխադրումները որեւէ կերպ չտուժեն», յայտնեց Աւինեան։

Փոխվարչապետը նշեց, որ բեռնափոխադրութիւններու հետագայ արգելքները կրնան խորացնել «Քորոնա» ժահրին պատճառով յառաջացած տնտեսական ճգնաժամը։

LEAVE A REPLY

Please enter your comment!
Please enter your name here